(1861) Evanxeliu según San Mateo
SAN MATEU 1
1 LLIBRU de la xeneracion de Xesucristu fiu de Daví, fiu d’ Abran.
2 Abran enxendró á Isá. Isá enxendró á Xacó. Xacó enxendró á Xúes, y á sos hermanos.
3 Xúes enxendró de Tamar á Farés, y á Zara. Farés enxendró á Esron. Esron enxendró á Aran.
4 Aran enxendró á Aminadá. Aminadá enxendró á Nason. Nason enxendró á Salmon.
5 Salmon enxendró de Rahá á Bó. Bó enxendró de Rú á Obé. Obé enxendró a Xesé. Xesé enxendró al rei Daví.
6 El rei Daví enxendró á Salomon de la que fo muyer d’ Uríes.
7 Salomon enxendró á Roboan. Roboan enxendró á Abíes. Abíes enxendró á Asá.
8 Asá enxendró á Xosafá. Xosafá enxendró á Xoran. Xoran enxendró á Ozíes.
9 Ozíes enxendró á Xoatan. Xoatan enxendró á Acá. Acá enxendró á Ezequíes.
10 Ezequíes enxendró á Manasés. Manasés enxendró á Amon. Amon enxendró á Xosíes.
11 Xosíes enxendró á Xeconíes, y á sos hermanos cerquillina del tiempu del enfilamientu de lo’ xudíos pa Babilonia.
12 Y dempués que los enfilaron pa Babilonia: Xeconíes enxendró á Salatiel. Salatiel enxendró á Zorobabel.
13 Zorobabel enxendró á Abiú. Abiú enxendró á Eliacin. Eliacin enxendró á Azor.
14 Azor enxendró á Sadó. Sadó enxendró á Aquin. Aquin enxendró á Eliú.
15 Eliú enxendró á Eliazar. Eliazar enxendró á Matan. Matan enxendró á Xacó.
16 Y Xacó enxendró á Xosé, esposu de María, de la que nació Xesús, llamáu de nome Cristu.
17 Y ansina son catorce tóes le’ xeneraciones dende Abran fasta Daví: y les de Daví fasta ’l enfilamientu de lo’ xudíos pa Babilonia catorce xeneraciones: y tamien catorce le’ xeneraciones dende ’l enfilamientu pa Babilonia fasta Cristu.
18 Pero ’l nacimientu de Cristu fo ansina: Estando esposáa María so ma con Xosé, sin q’ antes s’ hubiesen xunío, afallóse q’ habia concebío nel senu pel Espritu santu.
19 Mas Xosé ’l so ’sposu, siendo, como yera, xustu, y non queriendo desfamála, trató de dexála seliquina.
20 Estando elli afalucando istes coses, cata ’quí q’ un ánxel del Señor apareciósei en sueños, y dixo: Xosé fiu de Daví, non atarrezas tomar á María per esposa: pos lo que s’ enxendró nel so vientre, ye cosa del Espritu santu.
21 Y ansina parirá un fiu á quien pomás de nome Xesús: pos elli ye quien ha salvar al so pueblu ó llibrálu de sos pecáos.
22 Tóo lo que se fexo, pa que se compliés lo que dixo ’l Señor pel profeta que diz:
23 Sabéi q’ una vírxen concibirá y parirá un fiu: á quien pornán de nome Manuel, que quier dicer Dios co’ nosotros.
24 Con iso Xosé, al dispertar, fexo lo que i mandó ’l ánxel del Señor, y recibió la so ’sposa.
25 Y sin habela conocío ó tocáo parió ’l so fiu primeru: y pónxoi de nome Xesús.
SAN MATEU 2
1 Y DESQUE nació Xesús en Belen de Xudá reinando Heróes, cata ’quí q’ unos magos vinieron del oriente á Xerusalen,
2 Entrugando: ¿Ú ’stá ’l nacíu rei de lo’ xudíos? porque nosotros avistámos nel oriente la so ’strella, y veniemos adorálu.
3 Al oyer isto ’l rei Heróes, quedóse ablucáu, y lo mesmo tóa Xerusalen.
4 Y axuntando tóos los príncepes de lo’ sacerdotes, y á los escribas del pueblu, entrugábayos ú naceria ’l Cristu ó Mesíes.
5 A lo que arrespuendieron-i illos: En Belen de Xudá: q’ ansina dexó ’scrito ’l profeta:
6 Y tu Belen tierra de Xudá, miániques que non yes la mas pequeña de les ciodáes princepales de Xudá: pos tu yes el llugar onde ha salir el caudiellu, que rixa ’l mió pueblu d’ Israel.
7 Entós Heróes llamando pasiquin á los magos pescudó d’ illos con cuidáu ’l tiempu ’n que se yos apareció la ’strella:
8 Y enveredándolos pa Belen, díxoyos: Dii, y pescudái bien lo q’ hai d’ isi neñu: y dempués que lu afalléis, avisáime á min, pa dir yo tamien adorálu.
9 Lluego q’ oyeron isto al rei, colaron: y cata ’quí que la ’strella, q’ habín avistáo nel oriente, diba afalándolos, fasta q’ allugando so ’l sitiu ú ’staba ’l niñin, aparóse.
10 Al acolumbrar la’ strella fuelgáronse perdafecho.
11 Y enfilándose na casa, afallaron al niñin con María so ma, y afincándose de xinoyos adoráronlu, y destapáos sos cofres, ufrieron-i presentes d’ oru, inciensu y mirra.
12 Y arrecibiendo en sueños un avisu del cielu pa que non tornasen pa Heróes, entamaron pa so tierra per utru camin.
13 Desq’ illos colaron, un ánxel del Señor apareció en sueños á Xosé diciéndoi: írguite, agarra ’l niñin, y á so ma, y fuxe al Exitu, y ’státe allí fasta que yo t’avise. Porq’ Heróes ha buscar al niñin pa matálu.
14 Irguiéndose Xosé agarró al niñin y a so ma de noche: y fose pa Exitu,
15 Ú ’stevo fasta que morrió Heróes; y ansina se complió lo que dixo ’l Señor pe’ la boca del profeta: Yo llamé d’ Exitu al mió fiu.
16 Entanto Heróes viéndose burláu de los magos, perenritóse, y mandó matar á tóos los niñinos, q’ habia en Belen, y en tóu ’l so cotarru, de dos años abaxo, segun el tiempu de l’ aparecimientu de la ’strella q’ habia pescudáo de los magos.
17 Entós vióse complío lo que dixo ’l profeta Xeremíes diciendo:
18 Fasta en Ramá s’ oyeron les voces, munchos lloros y allaríos: Ye Raquel que llora lo’ sos fiinos, sin querer aconsoláse, porque ya non viven.
19 Lluego dempués de la morte d’ Heróes, un ánxel del Señor apareció en sueños a Xosé ’n Exitu,
20 Diciéndoi: Írguite, y agarra ’l niñin, y á so ma, y entama pa la tierra d’ Israel: porque ya morrieron los que querín fer morrer al niñin.
21 Xosé irguiéndose, agarró ’l niñin, y á so ma, y vieno pa la tierra d’ Israel.
22 Mas oyendo q’ Arquelau reinaba en Xudea en vez de so pá Heróes, escociói dir allá: y avisáu en sueños, fose á la tierra de Galilea.
23 Y vieno vivir ’n una ciodá llamáa Nazaré: compliéndose ansina ’l dichu de los profetas: Llama-ránlu Nazarenu.
SAN MATEU 3
1 ’N AQUELLA temporáa dexóse ver Xuan Bautista pedricando nel ermu de Xudea,
2 Y diciendo: Fei penitencia: porque ’stá cerquillina ’l reinu de los cielos.
3 Isti ye aquel de quien se dixo pel profeta Isaíes: Ye la voz del que clama nel ermu, diciendo: Aperiái ’l camin del Señor: enderezái so’ senderos.
4 Tria Xuan un vestíu de pilos de camellos, y un cintu de cuiru pel llombu: y la so vianda yeren llan-gostes y miel silvestre.
5 Entós diben encontrálu le’ xentes de Xerusalen, y de tóa la Xudea, y de tóa la rodiáa del Xordan;
6 Y yeren bautizáes per elli nel Xordan, confesando sos pecáos.
7 Pero como viés venir al so bautismu munchos de los fariseos y saduceos, díxoyos: ¡Ah castra de víbores! ¿quién vos dixo que con soles aparencies podéis fuxir de la ira que vos amaga?
8 Fei frutos dinos de penitencia.
9 Y dexáivos d’ aldiricar pa con vosotros: Tenemos per pá á Abran: porque yo vos digo que ye Dios quien, pa fer que nazan d’ istes piedres mesmes fios d’ Abran.
10 Mirái que ya ’stá arrimáu ’l achu á la raíz de los árboles. Y tóu árbol que non prodúz bon frutu, bastia-ránlu, y echaránlu al fuebu.
11 Yo ye verdá que vos bautizo con agua pa movévos á la penitencia; pero ’l q’ ha venir en mió restru, ye mas forte que yo, y nin siguiera só dinu de llevái le’ sos calzes; elli ye quien vos ha bautizar nel Espritu santu, y nel fuebu.
12 Elli tien ne’ sos manes el bieldu: y allimpiará dafecho so era: y so trigu meterálu nel orru, mas les payes amburaráles ’n un fuebu que non muerre.
13 Per isti tiempu vieno Xesús de Galilea al Xordan en busca de Xuan, pa que lu bautizás.
14 Pero Xuan non queria, y dicíai: ¿Debís tu bautizáme á min, y quies que yo te bautize?
15 Á lo que arrespuendiói Xesús, diciendo: Tu dexa ’gora; q’ ansina ye como convién que nosotros compliamos tóa xosticia. Xuan entós dexólu.
16 Dempués de bautizáu Xesús, desque salió del agua, fisgáronse los cielos, y vió amiyar al Espritu de Dios como si fues una palombina, y aposáse so elli.
17 Y oyóse una voz del cielu que dicia: Isti ye ’l mió fiu queríu, en quien yo me fuelgo.
SAN MATEU 4
1 ’N AQUELLA sazon Xesús fo afaláu pel Espritu de Dios al ermu pa que lu tientás el diablu allí.
2 Y dempués d’ ayunar cuarenta dis con cuarenta noches, tevo fame.
3 Entós arrimándose á elli ’l tientador díxoi: Si yes el fiu de Dios, dí q’ ises piedres se fagan panes.
4 Mas Xesús arrespuendiói: Escrito ’stá: Non de solu pan vive ’l home, sinon de tóa palabra ó mandatu que sal de la boca de Dios.
5 Dempués d’ isto arremetió con elli ’l diablu pa la santa ciodá de Xerusalen, y pónxolu so ’l cumbrial del templu,
6 Y díxoi: Si ves fiu de Dios tírate dende abaxo. Pos está ’scrito: Que t’ encomiendó á sos ánxeles, que te pornán nes palmes de le’ sos manes, pa que to pié non tropiece contra denguna piedra.
7 Arreplicói Xesús: Tamien está ’scrito: Non tientarás al Señor to Dios.
8 Entovía lu ’ncaramielló ’l diablu ’n un monte mui empináu: y ensiñói tóos los reinos del mundu, y ’l arrullu d’ illos,
9 Y díxoi: Tóes istes coses te daré, si afincándote delantre de min me fexeres acatamientu.
10 Arrespuendiói entós Xesús: Quítateme d’inde satanás: porq’ escrito ’stá: Adorarás al Señor Dios tuyu, y á elli solu sirvirás.
11 Con iso dexólu ’l diablu; y cata ’quí q’allugáronse los ánxeles, y fin-i los menesteres.
12 Oyendo dempués Xesús q’ habín prendío á Xuan, esmucióse pa la Galilea:
13 Y dexando la ciodá de Nazaré, fo vivir en Cafarnaun, ciodá de la vera del mar, en los llinderos de Zabulon y Netalin:
14 Con lo que vieno á compliése lo que dixo ’l profeta Isaíes:
15 La tierra de Zabulon, y la tierra de Netalin, camin de la mar de Tiberíades de la vera d’ allá del Xordan, la Galilea de lo’ xentiles,
16 Isti pueblu q’ estaba metíu ’n una escuridá, arrecibió una gran clarencia: lluz que vieno allumar á los que vivín ne’ sombres de la morte.
17 De magar fo isto entamó Xesús á pedricar, y dicer: Fei penitencia: porque ’stá cerquillina ’l reinu de los cielos.
18 Caminando un día Xesús pe’ la vera del mar de Galilea, vió á dos hermanos, Simon, llamáu Pedru, y Andrés so hermanu, echando la rede na mar, (pos yeren piescadores)
19 Y díxoyos: Veníi co’ mió, y yo faré que siáis piescadores d’ homes.
20 Y dexando entrambos á dos les redes, antainaron á dir tras d’ elli.
21 Diendo mas alantre, aportó á ver utros dos hermanos, Xacobu fiu del Zebedeu, y Xuan so hermanu arremiendando sos redes na barca con so pá ’l Zebedeu: y llamólos.
22 Illos tamien dexáes ’n un verbu les redes, colaron con elli.
23 Y diba Xesús per tóos los llugares de Galilea, ensiñando ne’ so’ sinagogues, y pedricando l’ evanxeliu ó bona nueva del reinu celestial: y sanando tóa llaceria, y tóa enfermedá nos del pueblu.
24 Con lo que ruxó so fama per tóa la Siria, y presentaben-i tóos los q’ estaben amaláos, y tenín enfermedáes y dolores agudos, los espritáos, los allunáos, los tullíos; y curábalos:
25 Y diba tras d’ elli un verbeneru de xente de Galilea, y Decápoli, y Xerusalen, y Xudea, y de lʼ utru lláu del Xordan.
SAN MATEU 5
1 DESQUE vió Xesús á tóu isti xentíu, subióse á un monticu, y asentándose, ponxéronse cabu elli lo’ sos descípulos,
2 Y abriendo so boca divina, allecionábalos diciendo:
3 Bienaventuráos los probes de ’spritu: porque d’ illos ye ’l reinu de los cielos.
4 Bienaventuráos los mansolinos y homildes: porq’ illos serán amos de la tierra.
5 Bienaventuráos los que lloren: porq’ illos ternán consolancia.
6 Bienaventuráos los que tienen fame y sede de la xosticia: porq’ illos se fartucarán.
7 Bienaventuráos los misericordiosos: porq’ illos alcanzarán misericordia.
8 Bienaventuráos los que tienen llimpiu ’l corazon: porq’ illos verán á Dios.
9 Bienaventuráos los pacíficos: porq’ illos serán llamáos fios de Dios.
10 Bienaventuráos los que padecen persecucion per la xosticia: porque d’ illos ye ’l reinu de los cielos.
11 Dichosos vosotros cuando los homes vos maldixesen, y vos persiguiesen, y dixesen con mentira tóes les picardíes contra vosotros per morde de min.
12 Alegráivos entós y fuelgáivos, porque ye mui grande la mercé que vos aguarda nos cielos: ansina persiguieron á los profetas que vivieron antes de vosotros.
13 Vosotros sois la sal de la tierra. Y si la sal se ’svanéz ¿con qué se salará? Ya non val pa náa, sinon pa tirála, y que le’ xentes la tríen.
14 Vosotros sois la lluz del mundu. Non se puede celar una ciodá puesta so un monte:
15 Nin se ’nciende la lluz pa metéla debaxo un zalamin, sinon pa ponéla so un candeleru, pa q’ allume á tóos los de la casa.
16 Q’ allume ansina vuestra lluz delantre de los homes, per manera que vean vuestres bones obres, y llóen á vuestru Pá q’ está nos cielos.
17 Non cuidéis que yo vieni desfacer la llei, nin los profetas: non vieni desfacélos, sinon dáyos complimientu:
18 Pos miániques vos digo, q’ antes ablucarán el cielu y la tierra, que dexe de compliése á la lletra tóo cuanto hai na llei, sin quedar una xota nin una pizca d’ illa.
19 Y ansina ’l que faltás á dalgun d’ istos mandamientos per pequeñicos q’ aparenten, y ensiñás á los homes á fer lo mesmo, será ’l mas pequeñu, quier dicer, será náa, nel reinu de los cielos; pero ’l que los guardás y ensiñás, isi será pergrande nel reinu de los cielos.
20 Porque dígovos, que si vuestra xosticia non ye meyor que la de los escribas y fariseos, non vos enfilaréis nel reinu de los cielos.
21 Oyesteis que se dixo á vuestros mayores: Non matarás: y que ’l que matás, será condenáu á morte ’n xuíciu.
22 Yo dígovos entovía mas: Quienquiera que tome tirria á so hermanu, merecerá que ’l xuez lu condene. Y ’l que lu llamás raca: merecerá que lu condene ’l conceyu. Mas quien lu llamás fatu: será reu del fuebu del infiernu.
23 Per iso, si al tiempu de poner to ufierta n’ altar, t’ acuerdes allí que to hermanu tien daqué contra ti:
24 Dexa ’llí mesmo to ufierta delantre lʼ altar, y aballa primero fer les paces con to hermanu: y dempués tornarás ufrir la to ufierta.
25 Compónte lluego con to contrariu, dun estás con elli entovía nel camin; non sia que te ponga en manes del xuez, y ’l xuez te ’ntregue nes del ministril: y te ’ncaxen na cárcel.
26 Dígote miániques, que non te ’smucirás d’allí, fasta que pagues ’l últimu maravedí.
27 Oyesteis que se dixo á vuestros mayores: Non farás adulteriu.
28 Yo dígovos entovía mas: Quienquiera que mirás á una muyer con mala intencion, ya adulterió en so corazon.
29 Que si to güeyu derechu ye pa ti ocasion de pecar, arríncalu y tíralu lloñe de ti; pos meyor te ye perder un de tos miembros, que non que tóu to cuerpu sia echáu al infiemu.
30 Y si ye to mano derecha la que te sirve d’ escándalu ó provoca á pecar, frádala, y tírala lloñe de ti; pos meyor te ye que pereza un de tos miembros, que non el que vaya tóu to cuerpu al infiernu.
31 Díxose: Quienquiera que despidiés á so muyer, déi llibelu de divorciu.
32 Pero yo dígovos: que quienquiera que despidiés á so muyer, sinon ye per morde d’ adulteriu, faila ser adúltera; y ’l que se xuniés co’ la divorciáa, ye ansinamesmo adúlteru.
33 Tamien oyesteis que se dixo antaño: Non xurarás en falso; sinon que complirás lo’ xuramentos fechos al Señor.
34 Yo dígovos entovía mas, que denyure xuréis sin motivu xustu: nin pel cielu, pos ye ’l tronu de Dios:
35 Nin pe’ la tierra, pos ye ’l sitial de sos piés: nin per Xerusalen, porque ye la ciodá ó corte del gran rei:
36 Nin tampoco xuraréis per vuestra cabeza, pos non podéis fer blancu ó negru un solu pilu.
37 Sia vuestra fala, sí, sí: ó non, non: que lo que d’ isto pasa ye malo.
38 Oyesteis que se dixo: Güeyu per güeyu, y diente per diente.
39 Mas yo dígovos, que non resistáis al agraviu: sinon que si dalgun te firiés na mexella derecha, pon-i tamien l’ utra:
40 Y al que quier armáte pleitu pa quitáte ’l vestíu, allárgai tamien el capote:
41 Y á quien te forzás á dir cargáu mil pasos, vé con elli utros dos mil.
42 Al que te pide, dái: y non tuerzas la cara al que te pide prestáo.
43 Oyesteis que se dixo: Amarás á to próximu, y (ensertaron en sinrazon) ternás odiu á to enemigu.
44 Yo dígovos entovía mas: Amái á vuestros enemigos: fei bien á los que vos aborrecen, y pedíi pe’ los que vos persiguen y calunien:
45 Pa que siáis fios asemeyáos á vuestru Pá celestial: que fai salir el sol so bonos y malos: y llover so xustos y pecadores.
46 Que si non amáis sinon á los que vos amen, ¿qué mercé hais tener? ¿non lo faen ansina los publicanos?
47 Y sinon saludáis á utros q’ á vuestros hermanos ¿qué feis de mas? quiciáis ¿non faen tamien isto lo’ xentiles?
48 Sei vosotros pe’ lo mesmo perbonos, como ye perbonu vuestru Pá celestial asemeyándovos á elli cuanto podiáis.
SAN MATEU 6
1 GUARDÁIVOS bien de facer vuestres obres bones delantre de los homes, pa que vos vean: porque fiéndolo ansina non arrecibiréis so mercé de vuestru Pá, q’ está nos cielos.
2Pe’ lo mesmo cuando das limosna, non quieras publicála al chirríu de trompeta, como faen los falseros ne’sinagogues, y metanes les calles ó places, pa que los homes los agasayen. Dígovos miániques, q’ arrecibieron ya so premiu.
3Mas tu cuando des limosna, fai que to mano izquierda non sepia lo que fai to derecha:
4Pa que to limosna quede celáa, y to Pá, que ve lo mas escondío, te dará ’l premiu á descubiertes.
5Ansinamesmo cuando oráis, non habéis fer como los falseros, q’arrede se ponen á orar de piés ne’sinagogues y nes esquines de les calles, pa que los vean los homes: dígovos miániques, q’ arrecibieron ya so mercé.
6Tu, al revés, cuando fagas oracion, enfílate dentro de to casa, y ciarráa la porta, ora á ’scondíes á to Pá, y to Pá, que ve lo mas escondío, daráte ’l premiu á descubiertes.
7En la oracion non aparentéis falucar muncho, como faen lo’ xentiles: que cúiden que son oíos per morde de so palabrería.
8Non queriáis asemeyávos á illos; q’ abondo sabe vuestru Pá lo q’ habéis menester, antes de pedíilo.
9Atolenái cómo habéis d’ orar: Padre nuestru, q’ estás en ’os cielos: santificáu sia ’l to nome.
10Vénia ’l to reinu. Fágase to voluntá, como nel cielu, ansina tamien en ’a tierra.
11El pan nuestru de cáa día dámoslu hoi.
12Y perdónamos nuestres deudes, ansina como nosotros perdonamos á nuestros deudores.
13Y no mos dexes cayer na tientacion. Mas llíbramos de mal. Amen.
14Porque si perdonáis á los homes les ofenses que faen contra vosotros; tamien vuestru Pá celestial vos perdonará vuestros pecáos.
15Pero si vosotros non perdonáis á los homes: tampoco vuestru Pá vos perdonará los pecáos.
16Cuando ayunéis, non vos poniáis aseñardáos como los falseros: que desfeguren sos cares, pa que conozan los homes q’ ayunen. Dígovos miániques, q’ arrecibieron ya so mercé.
17Tu, al revés, cuando ayunes, unta to cabeza, y llava bien to cara,
18Pa que non conozan los homes q’ ayunes, sinon solo to Pá, q’ está dayure, fasta no mas escondío: y to Pá, que ve lo que pasa no ’scondío, daráte ’l premiu per ello.
19Non queriáis amontonar tesoros pa vosotros na tierra: ú los royen el foroñu, y la poliya: y ú los lladrones los desentierren, y arroben.
20Amontonái pa vosotros tesoros nel cielu: ú non hai foroñu, nin poliya que los royan; nin tampoco lladrones que los desentierren, y arroben.
21Porque á ú ’stá to tesoru, allí ’stá tamien to corazon.
22Lluz de to cuerpu son tos güeyos. Si tu güeyu fues senciellu, ó ’stuvíes llimpiu: tóu to cuerpu ’stará ’llumáu.
23Mas si tienes güeyu maliciosu ó malu: tón to cuerpu ’stará á ’scures. Que si lo q’ habia ser lluz en ti ye tiniebles: les tiniebles mesmes ¿qué tales serán?
24Nengun puede servir á dos amos: porque ó terná tirria al un, y amor al utru: o si se sofita al primeru, mirará de soslayu al segundu. Non podéis servir á Dios y á les riqueces.
25Per iso vos digo, que non vos alloriéis per buscar qué comer pa vivir, nin con qué vestir vuestru cuerpu. Qué ¿non val mas la vida ó l’ alma que la vianda: y ’l cuerpu que la ropa?
26Mirái los paxarinos del cielu, como non semen, nin sieguen, nin tienen orros: y vuestru Pá celestial dayos de comer. ¿Pos non valíis vosotros muncho mas sin comparanza q’ illos?
27Y ¿quién de vosotros, per muncho q’ afaluque, puede amestar un puntu á so ’statura?
28Y tocant’ al vestíu ¿pa q’ andáis alloriáos? Atolenái pa los llirios del campu como medren y flórien: illos non trabayen, nin filen.
29Y con tóo dígovos, que nin Salomon con tóu so arrullu se vistió tan gayu com’ un d’ istos llirios.
30Pos si una yerbuca del campu, q’ hoi ye ó flória, y mañana s’ echa nel fornu, Dios viste ansina? ¿cuanto mas á vosotros homes de poca fe?
31Non vayáis diciendo amusgáos ¿Ú afallaremos qué comer y beber? ¿Ú afallaremos con qué vestímos?
32Como faen lo’ xentiles, q’ anden afanáos per morde d’ istes coses tóes; q’ abondo sabe vuestru Pá la necesidá que d’ illes tenéis.
33Y ansina, buscái primero ’l reinu de Dios, y so xosticia; y tóes les demás coses daránsevos per amestaúra.
34Non andéis alloriáos pel dia de mañana; q’ el dia de mañana abondu alloriamientu trayerá per sí: y abondo ye pa cáa dia so propiu afan ó xera.
SAN MATEU 7
1NON xulguéis á naide, si queréis que naide xulgue de vosotros.
2Pos col mesmu xuíciu que xulgareis, hais ser xulgáos: y col mesmu raieru con que midiereis, hais ser medíos vosotros.
3Pero tu ¿con qué cara te pones á ’reparar el llixu nel güeyu de to hermanu: y non arrepares nel trabe q’ está dientro del tuyu?
4O ¿como dices al to hermanu: Déxame sacáte isi llixu: cuando tu mesmu tienes un trabe nel tuyu?
5Falseru, saca primero ’l trabe de to güeyu, y entós verás pa sacar el llixu del güeyu de to hermanu.
6Non deis á los canes les coses santes, nin echéis vuestres perles á los bracos, non sia que les tríen co’ los piés, y s’ arregüelvan contra vosotros, y vos esfarrapen.
7Pedíi, y darásevos: catái, y afallaréis: llamái, y abriránvos.
8Porque tóu aquel que pide, arrecibe: y ’l que cata, afalla; y al que llama, abrirán-i.
9¿Hai quiciáis daquien ente vosotros que, pidiéndoi pan un fiu suyu i dé una piedra?
10¿O que si i pide un piescáu, i dé un cuélebre?
11Pos si vosotros, siendo malos ó de mala ralea, sabéis dar coses bones á vuestros fios: ¿cuánto mas vuestru Pá celestial dará bones coses á los que i les pidan?
12Y ansina fei vosotros co’ los demás homes lo que queriáis que fagan illos con vosotros. Pos aquista ye ’n sostancia la llei, y los profetas.
13Enxaretáivos pe’ la porta ’ngosta: porque la port’ ancha, y ’l camin enfolgáu afalen pa la perdicion, y son munchos los q’ esfilen per elli.
14¡Ah q’ angosta ye la porta, y qué ’strechu ’l senderu q’ afala pa la vida eterna: y qué poquiñicos son los q’ atinen con illa!
15Arrecaldái pa los profetas falseros, que vienen á vosotros celáos con pieles d’ oveyes, mas per adientro son llobos que taracen:
16Pe’ lo’ sos frutos ó obres los estremaréis. ¿Quiciáis se demen recimos de les árgomes, ó figos de los matorrales?
17Ansina ye que tóu árbol bonu prodúz frutos bonos: y tóu árbol malu frutos malos.
18Un árbol bonu non puede dar frutos malos: nin un árbol malu dálos bonos.
19Tóu árbol, que non da bon frutu, será bastiáu, y echáu al fuebu.
20Per iso podréis estremálos pe’ lo’ sos frutos.
21Non tóu aquelli que me diz: A Señor, Señor, intrará per iso nel reinu de los cielos: sinon el que fai la voluntá de mió Pá celestial, aquisi ye ’l q’ intrará nel reinu de los cielos.
22Diránme munchos ’n aquel dia del xuíciu: ¡Señor, Señor! ¿pos non adivinámos en to nome, y esconxurámos en to nome los demorgos, y fexemos munchos milagros en to nome?
23Mas entós arreplicaréyos yo: Enxamás vos conocí per miúyos: aseparáivos de min, fechores de la maldá.
24Pe’ lo mesmo, quienquiera q’ ascucha aquistes lleciones miúyes, y les fai, asemeyaráse á un home cuerdu que fexo so casa so piedra,
25Y cayeron chuvascos, y crecieron los rios, y xiblaron los vientos, y arremetieron contra ’quella casa, mas non se desmoroñó: porq’ estaba fecha so piedra.
26Pero quienquiera q’ oye istes lleciones que do, y non les fai, asemeyaráse á un home lelu, que fexo so casa so l’ arena:
27Y cayeron chuvascos, y crecieron los rios, y xiblaron los vientos, y arremetieron contra ’quella casa, y desmoroñóse, y fo grande so ’stropiciu.
28Al fin y al cabu, desque Xesús acabó ista plátiga, el xentíu que lu oia quedábase atochecíu co’ la so dotrina.
29Porque los allecionaba como ’l que tien potestá soberana, y non como lo’ sos escribas y fariseos.
SAN MATEU 8
1AMIYANDO Xesús del monticu, esfiló tras d’ elli una gran manáa de xentes:
2En isto, allugóse un lleprosu, y adorábalu, diciendo: A Señor, si tu quies, puedes llimpiáme.
3Y Xesús espurriendo la mano, tocólu, diciendo: Quiero. Queda llimpiu. Y quedó llimpiu de so llepra nel intre.
4Y díxoi Xesús: Míra que non lo digas á naide: pero vé ensiñáte al sacerdote, y ufre ’l don que Moisés disponxo, pa que yos sirva de testigu.
5Y al intrar en Cafarnaun saliói al camin un centurion, y rogábai,
6Diciendo: A Señor, un criáu miúyu está ’n mió casa tullíu, y padéz permuncho.
7Diz-i Xesús: Yo diré, y lu curaré.
8Y arrespuendiói ’l centurion: Señor, yo non só dinu de que tu intres en mió casa: pero mándalo con to palabra, y quedará sanu mió criáu.
9Pos fasta yo, que non só mas q’ un home sofitáu á utros, como teno soldáos al mió mandu, digo al un: Cola, y elli cola; y al utru: Veni, y vien; y á mió criáu: Fa isto, y elli failo.
10Al oyer isto Xesús aparentó plasmáse, y dixo á los que lu seguín: Miániques vos digo que nin siquiera metanes d’ Israel afallé fe tan grande.
11Ansina yo dígovos, que vernán munchos xentiles del oriente y del ocidente, y asentaránse á la mesa con Abran, Isá, y Xacó nel reinu de los cielos:
12En tanto que los fios del reinu (loʼ xudíos) serán echáos fora á les tiniebles: allí sera ’l llanfu, y ’l rucar los dientes.
13Dempués dixo Xesús al centurion: Cola, y asocédate conforme criste. Y ’n aquella gora quedó sanu ’l criáu.
14Desque Xesús fo dempués á casa de Pedru, vió á la suegra d’ isti na cama, con callentura:
15Y tocándoi la mano, quitósei la callentura: con iso irguióse nel intre de la cama, y pónxose á feyos los menesteres.
16Allá á la tardica, truxeron-i munchos espritáos: y con so palabra esconxuraba los espritus malinos: y curó á tóos los amaláos.
17Fiéndose con iso lo que faló ’l profeta Isaíes, diciendo: El mesmu cargó co’ nuestres llaceries: y arrecostinó co’ nuestres enfermedáes.
18Viéndose Xesús un día acorripiáu per muncha xente, trató de colar pa la vera d’ allá del llagu de Xenesaré.
19Y arrimándose! ciertu ’scriba, díxoi: A Maestru, yo te seguiré, á ó fores.
20Y Xesús arrespuendiói: Les raposes tienen cueves, y los páxaros del cielo ñáies: mas el Fiu del home non tien daqué pa ’recostar la cabeza.
21Utru de sos descípulos díxoi: A Señor, déxame q’ antes de seguite, vaya sepultar á mió pá.
22Mas Xesús arrespuendiói: Tu sígueme, y dexa que los mortos, o xentes que non tienen la vida de la fe, sepulten á sos mortos.
23Y encaxóse ’n una barca con sos descípulos al empar.
24Y cata ’quí que se regolvió una tormenta tan recia na mar, que les oles atapaben la barca, mas Xesús diba dormiendo.
25Y allugándose á elli sos descípulos, despertáronlu, diciendo: Señor, sálvamos, que morremos tóos.
26Dizyos Xesús: ¿Por qué vos amedrentáis, homes de poca fe? Entós irguiéndose, dixo á los vientos y á la mar q’ aparasen, y tóo s’ apaciguó nel intre.
27De lo que quedaron baráos tóos los q’ estaben allí, y dicín: ¿Quién ye isti, que i obedecen los vientos y la mar?
28Desembarcáu na utra vera del llagu na tierra de lo’ xerasenos, salieron-i al camin, esmuciéndose de le’ sepultures ú vivín, dos espritáos tan espantibles que naide s’atrevia pasar per aquel camin.
29Y lluego entamaron á gritar, diciendo: ¿Qué tenemos nosotros que ver contigo, Xesús fiu de Dios? ¿Veniesti acá pa ’tormentámos antes de tiempu?
30Estaba non lloñe d’ allí una rabañáa de bracos paciendo.
31Y los demorgos pedín-i ansina: Si mos eches d’ aquí, únviamos á isa rabañáa de bracos.
32Y elli díxoyos: Dii. Y desque salieron encaxáronse nos bracos; y cata ’quí que tóa la brañáa entamó á carrenderes á tiráse na mar de Xenesaré per un peñascal: y afogáronse nel agua.
33Los braqueros echaron á galmios: y desque llegaron á la ciodá, cuntábenlo tóo, y lo primero lo de los espritáos.
34Nel intre tóa la ciodá salió en busca de Xesús: y al vélu, pidieron-i que se saliés de so tierra.
SAN MATEU 6
1Y SUBIÉNDOSE na barca, tornó á pasar el llagu, y vieno á la so ciodá de Cafarnaun.
2Y cata ’quí que i truxeron un tullíu echáu ’n una cama. Y al ver Xesús so fe, dixo al tullíu: Teni confianza mió fiu, que se te perdonen los pecáos.
3A lo que dalgunos escribas afalucaben pa con sí: Isti blasfema.
4Mas Xesús conociendo sos pensamientos, dixo: ¿Por qué piensáis mal en vuestros corazones?
5¿Qué ye mas fácil, dicer: Perdónensete tos pecáos: ó dicer: írguite y anda?
6Pos pa que sepiáis que ’l Fiu del home, tien en ’a tierra potestá de perdonar pecáos: írguite, dixo al tullíu al mesmu tiempu: cueye to cama, y cola pa to casa.
7Y elli irguióse, y fo pa so casa.
8Al vélo le’ xentes quedaron ablucáes d’ un miéu santu, y lloaron á Dios, porq’ habia dáo tal potestá á los homes.
9Y desque Xesús coló d’ inde, atisbó á un home asentáu al bancu ó mesa de los tributos, llamáu de nome Mateu. Y díxoi: Sígueme. Y elli irguiéndose nel intre, siguiólu.
10Y pintó q’ estando Xesús á la mesa en casa de Mateu, vinieron munchos publicanos y xentes de mala vida, que se ponxeron á la mesa á xintar con elli, y con sos descípulos.
11Y al vélo los fariseos, dicín á sos descípulos: ¿Ello como vuestru Maestru xinta con publicanos y pecadores?
12 Mas oyéndolo Xesús, díxoyos: Non son los q’ están sanos, sinon los enfermos los que necesiten de mélicu.
13Dii vos adeprender lo que quier dicer: Mas quiero misericordia, que sacrificiu. Porque los pecadores son, y non lo’ xustos, á los que vieni yo llamar á penitencia.
14Entós allugarónse á Xesús los descípulos de Xuan, y dixeron-i: ¿Por qué, ayunando munches veces nosotros y los fariseos, non ayunen los tos descípulos?
15Arrespuendióyos Xesús: ¿Quiciáis los amigos del esposu pueden andar amusgáos ó llagrimosos dun está con illos ’l esposu? Ya verná ’l tiempu en que yos quitáran ’l esposu: y entós ayunarán.
16Naide echa un remiendu de pañu nuevu á un vestíu vieyu: porque ’l pedazu de lo vieyo esñiza lo nuevo, y faise mayor el furacu.
17Nin tampoco escancien el vinu nuevu en pelleyos vieyos: porque si faen isto arrebienta ’l pelleyu, y escuérrese ’l vinu, y piérdense los pelleyos. Pero ’l vinu nuevu escáncienlu en cuiros nuevos y ansina mantiénense entrambos á dos coses.
18’N ista compersacion estaba, cuando allugó un home princepal ó xefe de sinagoga, y fiéndoi acatamientu, díxoi: Señor, una fia miúya ’stá nel intre de morrer: pero veni, pon to mano so illa, y vivirá.
19Irguiéndose Xesús, endilgóse con elli y sos descípulos al empar,
20Cuando cata ’quí q’ una muyer, que ya magar doce años que padecia un fluxu de sangre, vieno per detrás, y tocói ’l ruéu de so vestíu.
21Porq’ afalucaba illa pa con sí: Con que pueda tocái so vestíu náa mas, quedaré bona.
22Mas arregolviéndose Xesús, y mirándola, dixo: Fia, teni confianza, curóte la to fe. Y en efetu quedó sana nel intre la muyer.
23Desque vieno Xesús á la casa d’ aquel home princepal, y vió los que tocaben le’ xiblates ó música fenetible y ’l guirigai de la xente, dicia:
24Aseparáivos: pos non está morta la neña, sinon que dormi. Y fin burla d’ elli.
25Mas echando fora la xente, intró, y agarróla de la mano. Y la neña irguióse.
26Y ruxóse ’l socesu per to’ aquella rodiáa.
27Y colando Xesús d’ inde, enfiláronse tras d’ elli dos ciegos, gritando, y diciendo: A fiu de Daví, compadézte de nosotros.
28Lluego q’ allugó á casa, acircáronsei los ciegos. Y díxoyos Xesús: ¿Creis que puedo yo fer iso que pedís? Dicin-i: Sí, Señor.
29Entós tocóyos los güeyos, diciendo: Segun vuestra fe, ansina se faga.
30Y abriéronseyos los güeyos: mas Xesús amenazólos, diciendo: Mirái que non lo sepia naide.
31A pesar d’ isto illos al esmucíse d’ allí, ruxéronlo dayure.
32Desque se ’smucieron istos, truxeron-i un mudu espritáu.
33Y esconxuráu ’l demorgu, faló ’l mudu, y le’ xentes quedaron ablucáes, y dicín: Enxamás se vió cosa como ista ’n Israel.
34Los fariseos al contra, dicín: Pel arte del príncepe de los demorgos esconxura los demorgos.
35Y Xesús diba per tóes les ciodáes y aldeas, ensiñando ne’ so’ sinagogues, y pedricando ’l evanxeliu del reinu de Dios, y curando tóa llaceria, y tóa enfermedá.
36Y al ver aquélle’ xentes, compadecíase de tóes veres d’ illes, porq’ estaben mal paráes, y esparramáes per aqui y per allí como oveyes en sin pastor.
37Entós dixo á sos descípulos: La collecha ye ’n verdá muncha; pero hai pocos cueyedores.
38Pedíi pe’ lo mesmo al amu de la collecha, q’ únvie cueyedores á so collecha.
SAN MATEU 10
1DEMPUÉS d’ isto, desque llamó á sos doce descípulos, dióyos potestá pa llanzar los espritus imundos, y curar tóa castra de llaceries, y enfermedáes.
2Los nomes de los doce apóstoles son aquistos. El primeru, Simon, per utru nome Pedru, y Andrés so hermanu,
3Xacobu fiu de Zebedeu, y Xuan so hermanu, Felipe y Bartuelu, Tomas y Mateu ’l publicanu, Xacobu fiu d’ Álfeu, y Tadeu,
4Simon el cananeu, y Xúes Iscariote, ’l mesmu que lu vendió.
5A istos doce unvió Xesús, dándoyos aquistes lleciones: Non vayáis agora á tierra de xentiles, nin tampoco intréis en ciodáes de samaritanos:
6Mas dii primero en busca de les oveyes desveredáes de la casa d’ Israel.
7Dii, y pedricái, diciendo: Q’ está cerquillina ’l reinu de los cielos.
8Y, en prueba de vuestra dotrina, curái enfermos, resuscitái mortos, llimpiái lleprosos, llanzái demorgos: dái de baldre lo que de baldre arrecibiesteis.
9Non llevéis ora, nin plata, nin utra dinera nes vuestres bolses:
10Nin alforxa pel viaxe, nin mas q’ un vestíu y unes calles, nin tampoco palu ó dalguna utra cosa pa defiendésos: pos el que trabaya meréx que lu mantenan.
11En cualquier ciodá ó aldea en que intrareis, pescudái quien hai ’n illa home de bien ó que sia dinu d’alloxávos: y ’stáivos en so casa fasta que marchéis.
12Al intrar en ’a casa, saludái ansina: La pax sia n ista casa.
13Que si la casa la meréx, verná so illa vuestra pax: mas si non la meréx, vuestra pax tomará á vosotros.
14Nel casu que non quieran arrecibívos, nin ascuchar vuestres palabres, esmuciéndovos afora d’ aquista casa ó ciodá, ximielgái ’l polvu de vuestros piés.
15Dígovos miániques que nel día del xuíciu ha ser mas pasaero á Sodoma y Gomorra, q’ á ista ciodá.
16Mirái que vos únvio como oveyes metanes de los llobos. Pe’ lo mesmo hais ser duchos como le’ serpientes, y mansolinos como palombines.
17Arrecaldái pa istos homes. Pos han citávos á los tribunales, y axotávos ne’ so’ sinagogues:
18Y per morde de min seréis lleváos ante los rexentes y los reyes, pa dayos testimoniu de min á illos, y á le’ xentes.
19Si bien cuando vos fexeren presentávos, non hais andar pescudando cómo ó qué falaréis: porq’ han davos nel intre lo q’ hais falar:
20Pos non sois vosotros quien fala entós, sinon ’l Espritu de vuestru Pá, que fala per vosotros.
21Entós un hermanu entregará á so hermanu á la morte, y ’l pá al fiu: y los fios irguiránse contra sos padres, y faránlos morrer:
22Y vosotros vernéis á ser aborrecíos de tóos per morde del mió nome: pero quien agüantás fasta la postre, aquisi salvaráse.
23Entanto, cuando vos persigan ’n una ciodá, fuxíi pa utra. Miániques vos digo, que non hais peracabar de convertir á les ciodáes d’ Israel, fasta que vénia ’l Fiu del home.
24Non ye ’l descípulu mas que so maestru, nin el criáu mas que so amu:
25Abondo ye pal descípulu, el ser tratáu como so maestru; y al criáu como so amu. Si al padre de families lu llamaron Belzebú: ¿cuánto mas á los de so casa?
26Mas per iso que non vos apavuren. Porque náa ’stá celáo, que non s’ haya de revelar; nin oculto, que non s’ haya de saber.
27Lo que vos digo á escures, decíilo á la lluz del día: y lo que vos digo pasiquin, pedricáilo dende los techos.
28Que non vos espavoren los que maten el cuerpu, y non pueden matar l’ alma: Teméi meyor al que puede empovinar l’ alma y cuerpu nel infiernu.
29¿Non ye verdá que se vienden dos paxarinos per un cuartu: y á pesar d’ isto nin siquiera un d’ illos se ’scuerrerá na tierra sin que lo quiera vuestru Pá?
30Y fasta los pilos de vuestra cabeza están cuntáos sin dexar un.
31Non tenéis pe’ lo mesmo por qué amedrentávos: meyores sois vosotros que munchos paxaricos.
32Al cabu: tóu aquel que me reconociés y confesás per Mesíes delantre de los homes, yo tamien lu reconoceré y me declararé per elli delantre de mió Pá, q’ está nos cielos:
33Mas quien me negás delantre de los homes, yo tamien lu negaré delantre de mióʼ Pá, q’ está nos cielos.
34Non barruntéis que yo vieni trayer la paz á la tierra: non vieni trayer la paz, sinon la guerra;
35Pos vieni estremar al fiu de so pá, y á la fia de so ma, y á la nuira de so suegra:
36Y los enemigos del home serán les persones de so mesma casa.
37Quien quier á so pá ó á so ma mas q’ á min, non meréz ser miúyu; y quien quier al fiu ó á la fia mas q’ á min, tampoco meréz ser miúyu.
38Y quien non arrecostina con so cruz y se enxareta co’ mió, non ye dinu de mió.
39Quien á costa de so alma mantién so vida, pierderála: y quien perdiés so vida per morde de min, tornará á ’fallála.
40Quien vos arrecibe á vosotros, á min m’ arrecibe; y quien m’ arrecibe á min, arrecibe aquel que m’ unvió á min.
41El q’ alloxa un profeta porque ye profeta, arrecibirá mercé de profeta; y ’l q’ alloxa un xustu porque ye xustu, temá mercé de xustu.
42Y quienquiera que diés de beber á un d’ aquistos piquirisquinos un vasu d’ agua fria solo porque ye descípulu miúyu, dígovos miániques, que non pierderá so mercé.
SAN MATEU 11
1DESQUE Xesús peracabó de dar aquistes lleciones á sos doce descípulos, coló d’allí pa ensiñar y pedricar en ’es ciodáes d’ illos.
2Pero Xuan desque oyó na prision les obres maravioses de Cristu, un vió dos de sos descípulos á entrugái:
3¿Yes tu ’l Mesiés q’ ha venir, ó hemos esperar utru?
4A lo que arrespuendióyos Xesús: Dii, y cuntái á Xuan lo q’ oyesteis y viesteis.
5Los ciegos ven, los coxos anden, los lleprosos queden llimpios, lo’ sordos oyen, los mortos resusciten, pedrícase ’l evanxeliu á los probes:
6Y biénaya ’quel que non temás de min motivu d’ escándalu.
7Lluego que colaron istos, entamó Xesús á falar de Xuan, y dixo al pueblu: ¿Qué ye lo que saliesteis ver al ermu? ¿dalguna verdasca solmenáa pel vientu?
8Sinon dicíime: ¿Qué saliesteis ver? ¿á un home vestíu con lluxu femenible? Ya sabéis que los q’ ansina visten, viven en ’os palacios de los reyes.
9Al fiu y al cabu, ¿qué saliesteis ver? ¿á dalgun profeta? Miániques que sí, yo vos lo aseguro, y entovía mas que profeta.
10Pos elli ye de quien está ’scrito: Míra que yo únvio mió ánxel ante la to presencia, quien dirá delantre de ti aperiándote ’l camin.
11Dígovos en verdá, que non s’ irguió ente los fios de muyeres utru dalgun mayor que Xuan Bautista: anque ’l mas piquirisquin nel reinu de los cielos, ye mayor q’ elli.
12Y de magar vieno Xuan Bautista fast’ agora, el reinu de los cielos alcánzase con gran xera, y los que la ponen son los que lu arrabañen.
13Porque tóos los profetas, y la llei fasta Xuan, prenunciaron lo porvenir:
14Y si queréis entendélo, el mesmu ye aquel Elíes que debia venir.
15El que tien oíos pa ’tolenar, atolene.
16Mas ¿qué comparanza porné yo d’ista castra d’homes? Aseméyase á los rapazacos sentáos na plaza, que dando voces á utros de sos compañeros,
17 Yos dicen: Cantámosvos cantares alegres, y non reblincasteis: cantares tristes, y non llorasteis.
18Ansina ye que vieno Xuan, que cuasi non come, nin bebe, y dicen: Está ’spritáu.
19Vieno ’l Fiu del home que come, y bebe, y dicen: Mirái que farton, y bebedor, amigu de publicanos, y xentes de mala vida. Pero la devina sapiencia queda xostificáa pa con sos fios.
20Entós empezó á reñir á les ciodáes á ú se fexeren permunches maravíes, porque non habín fecho penitencia.
21¡Ai probe de ti Corozain! ¡ai probe de ti Besaida! que si en Tiro y Sidon s’ hubiesen fecho les maravíes que se fexeron en vosotros, ya bienayá q’ habrín fecho penitencia, cubiertes de ceniza y de ciliciu.
22Dígovos pe’ lo mesmo, que nel día del xuíciu será mas pasaero á Tiro y Sidon, q’ á vosotros.
23Y tu Cafarnaun ¿cúides quiciáis írguite fasta ’l cielu? serás, miániques, abaxáa fasta ’l infiernu; porque, si en Sodoma s’ hubiesen fecho les maravíes q’ en ti, Sodoma quiciáis se mantuviés ogaño.
24Per iso te digo, que nel día del xuíciu será mas pasaero á Sodoma q’ á ti.
25Per aquel tiempu esclamó Xesús diciendo: Yo te lloo, Padre miúyu, Señor del cielu y de la tierra, porque celaste istes coses á lo’ sabiondos y prudentes del siglu, y les revelaste á los piquiñinos.
26Sí, Padre miúyu, lloáu sias: porque fo de to gustu que fos ansina.
27Mió Pá ponxo en miós manes tóes les coses. Pero naide conóz al Fiu, sinon so Pá: nin dangun conóz al Padre, sinon so Fiu, y aquelli á quien el Fiu quixere dicélo.
28Veníi á min tóos los q’ andáis encorviáos con trabayos, y cargues, que yo vos ayudaré.
29Ponéi mió xugu so vosotros, y adeprendéi de min, que só mansu, y homilde de corazon: y afallaréis el fuelgu pa vuestres almes.
30Pos el mió xugu ye suave, y mió carga llixera.
SAN MATEU 12
1’N AQUEL tiempu, pasando Xesús nel dia de sábadu al par d’ unes eres, lo’ sos descípulos, que tenín fame, entamaron á ’scamochar espigues, y esmorgar los granos.
2Y atisbándolo los fariseos, dixeron-i: Míra que tos descípulos faen lo que non se puede fer en sábadu.
3Pero elli arreplicóyos: ¿Non leyesteis lo que fexo Daví, cuando elli y los que lu acompañaben se vieron escorrexáos de fame;
4Como s’ enfiló na casa de Dios, y xintó los panes de la proposicion, que non podín xintar nin elli nin los suyos, sinon lo’ sacerdotes náa mas?
5¿O non leyesteis en ’a llei, que lo’ sacerdotes trabayen nel templu ’l sábadu, y per iso non pequen?
6Pos dígovos yo, q’ aquí ’stá un que ye mayor que ’l templu.
7Que si sopieseis vosotros, que quier dicer: Mas quiero la misericordia, que non el sacrificiu: enxamás hubieseis condenáo á los inocentes.
8Porque ’l Fiu del home ye amu tamien del sábadu.
9Y desque coló d’ allí, encaxóse na sinagoga d’ illos,
10Ú ’staba un home, que tenia seca una mano; y entrugaron á Xesús, pa ’fallar motivu d’ acusálu: ¿Ello ye permitío curar en sábadu?
11Mas elli díxoyos: ¿Habrá daquién ente vosotros, que tenga una oveya, y s’ ista s’ enfoscare ’n un pozu en sábadu, non la ’llevante y la saque afora?
12¿Pos cuánto meyor ye un home, q’ una oveya? Entós puede facése bien en dia de sábadu.
13Y dixo al home: Espurri isa mano. Espurrióla, y quedó tan correcha como lʼ utra.
14Mas los fariseos desque salieron, axuntáronse pa urdir trames contra elli, y perdélu.
15Pero Xesús sabiendo isto esmucióse d’ allí: y enriestráronse munchos enfermos tras d’ elli, y curólos á tóos:
16Mandándoyos que non lu descubriesen.
17Con lo que se complió lo que dixo ’l profeta Isaíes, que diz:
18Cata ’quí ’l mió siervu, á quien yo escoyí, el mió amáu, en quien mi’ alma se fuelga perdafecho. Porné so elli mió ’spritu, y ensiñará la xosticia á le’ xentes.
19Non riñirá con naide, non será llingüateru, nin oyerá dangun la so voz, ó gritar en ’es places:
20Non bastiará la verdasca solmenáa, nin matará dafecho la torcía q’ entovía ’fuma, fasta que faga vencer la xosticia de so causa:
21Y han enfotáse tóes le’ xentes nel so nome.
22Truxeron-i entós un espritáu, ciegu, y mudu, y de tal móu lu curó nel íntre, que comenzó á falar, y ver.
23Con lo que tóa la xente quedó empapielláa, y dicia: ¿Ello ye isti quiciáis el fiu de Daví, el Mesíes?
24Al oyélo los fariseos, aldiricaben ansina: Isti non llanza los demorgos sinon pel arte de Belzebú, príncepe de los demorgos.
25Entós Xesús adivinando sos pensamientos, díxoyos: Tóu reinu dividíu en faiciones contraries, esñizaráse; y tóa ciodá, ó casa dividía en bandos, non podrá mantenése.
26Y si satanás echa fora á satanás, ye contrariu á se mesmu: ¿como entós s’ ha mantener so reinu?
27Que si yo llanzo los demorgos pel arte de Belzebú, los vuestros fios ¿pel arte de quién los llancen? Per iso aquisos mesmos serán vuestros xueces.
28Mas si llanzo los demorgos en virtú del espritu de Dios, entós ya vieno ’l reinu de Dios ó ’l Mesíes á vosotros.
29Y sinon, dicíime: ¿como puede ser q’ un se ’smuza na casa de dalgun home forzudu, y róbei sos bienes, si aína non amarra al forzudu? entós podrá esfarrapái la casa.
30Aquelli que non ye co’ mió, contra mió ye: y ’l que comigo non cueye, esparrama.
31Dígovos pe’ lo mesmo: Que cualquier pecáu y cualquier blasfema se perdonará á los homes, pero la blasfema contra ’l espritu de Dios non se perdonará tan fácil.
32Ansinamesmo á quienquiera que dixés daqué contra ’l Fiu del home, perdonarásei; pero ’l que lo dixés contra ’l Espritu santu, non se i perdonará, nin en ista vida, nin en ’a utra.
33O dicíi que ye bonu ’l árbol, y bonu so frutu: ó si tenéis el árbol per malu tenéi tamien per malu so frutu: ya que pel frutu se ’strema la calidá del árbol.
34¡Ah castra de víbores! ¿como hais poder falar cosa bona, siendo, como sois, malos? si la boca fala de lo abondo del corazon.
35’L home bonu saca bones coses del bon fondu de so corazon: y ’l home malu saca coses males de so mal fondu.
36Dígovos, que fasta de tóa palabra uciosa, que falaren los homes, han dar cuenta nel dia del xuíciu.
37Pos per tos palabres ha’ ser xostificáu, y per tos palabres condenáu.
38Entós dalgunos de los escribas y fariseos aldiricaron-i, diciendo: A Maestru, quixéramos vete fer dalgun milagru.
39Mas elli arrespuendióyos: Aquista castra mala y adúltera pide un prodixu; pero non se i dará ’l que pide, sinon el prodixu de Xonás profeta.
40Porq’ ansina como Xonás estevo nel vientre de la ballena tres dis, y tres noches; ansina ’l Fiu del home ’stará tres dis, y tres noches nes entrañes de la tierra.
41Los de Nínive irguiránse nel día del xuíciu contra ’quista castra d’ homes, y condenaránla: porq’ illos fexeron penitencia á la pedricacion de Xonás. Y mirái cuánto meyor que Xonás ye isti q’ está ’quí.
42La reina del mediudía fará de testign nel dia del xuíciu contra ’quista castra d’ homes, y condenarála: porque vieno de lo cabero de la tierra, pa ’scuchar la sapiencia de Salomon, y mirái cuánto meyor que Salomon ye isti q’ está ’quí.
43Cuando ’l espritu ¡mundu se ’smució de dalgun home, anda vaguiando per llugares areniscos, catando ó folgáse, y non afalla daqué.
44Entós diz: Tornaré á mió casa, onde me ’smucí. Y tornando á illa atópala vaciáa, bien barriica, y empaxelláa.
45Con iso cuela, y lleva al empar utros siete ’spritus peyores q’ elli, y enfilándose ’n illa viven allí: y ansina la postre d’ aquisti home ye ’ntovía mas llastimosa q’ el escomienzu. Pos ansina ha pintar á ista castra d’ homes perdafecho mala.
46Entovía ’staba platigando al pueblu, y cata ’quí que so ma y sos hermanos estaben fora, que querín falái.
47Y díxoi un: Míra que to ma, y tos hermanos están ’hí fora entrugando per ti.
48Pero elli arrespuendiendo al que i lo decia, arreplicó: ¿Quién ye mió ma, y quiénes son miós hermanos?
49Y espurriendo la mano pa sos descípulos: Istos, dixo, son mió ma, y miós hermanos.
50Porque quienquiera que fexere la voluntá de mió Pá, q’ está nos cielos, aquisi ye mió hermanu, y mió hermana, y mió ma.
SAN MATEU 13
1’N AQUEL dia saliendó Xesús de casa, fo y asentóse á la vera de la mar.
2Y apetiguñóse al redor d’ elli un xentíu tan grande, que tevo q’ enfiláse ’n una barca y asentáse ’n illa: y tóa la xente ’staba á la vera:
3Y falóyos de munches coses per comparances, diciendo: Una vez salió un semador á semar.
4Y al tirar los granos, dalgunos cayeron cabu ’l camin, y vinieron los páxaros del cielo, y comiéronlos.
5Utros cayeron en pedregales, ú habia poca tierra: y nel intre nacieron, per estar mui someros en ’a tierra:
6Mas desque salió ’l sol amustiáronse: y como cuasi non tenín raíces, secaron.
7Utros granos cayeron metanes d’ espines, y crecieron les espines, y aforfugáronlos.
8En fiu utros cayeron en tierra bona, y dieron frutu, isti cientu, aquelli sesenta, y ’l utru trenta.
9El que tena oíos pa ’tolenar, atolene.
10Allugándose dempués loʼ sos descípulos entrugaben-i: ¿Como ye que yos fales per eomparances?
11Elli arrespuendióyos: Porq’ á vosotros fo dáu ’l privillexu de conocer los misterios del reinu de los cielos: pero non se yos dió á illos.
12Pos ye cierto q’ al que tien lo que debe tener, darásei entovía mas, y terná abondo: mas al que non tien lo que debe tener, quitarán-i tamien lo que tien.
13Per iso yos falo per eomparances: porq’ illos viendo non miren non consideren, y oyendo no atolenen, nin entienden.
14Con lo que vien á compliése la profecía d’ Isaíes que diz: Oyeréis con vuestros oíos, y non entenderéis: y per mas que miréis con vuestros güeyos, non veréis.
15Porq’ encodó ’l corazon d’ isti pueblu, y ciarró sos oíos, y atapó sos güeyos: per non ver con illos, nin oyer co’ los oíos, nin entender col corazon, per miéu de que, convirtiéndose, i dé yo la salú.
16Biéuaya vuestros güeyos porque ven, y biénaya vuestros oíos porq’ oyen.
17Pos dígovos miániques, que munchos profetas y xustos nagüaron per ver lo que vosotros estáis viendo, y non lo vieron; y oyer lo q’ oyéis, y non lo oyeron.
18Ascuchái agora la comparanza del semador.
19Tóu ’l q’ oye la palabra del reinu de Dios ó del evanxeliu, y non apara ’n ella so atencion, vien el mal espritu y arrabaña tóo aquello que s’ habia semáo en so corazon: isti ye ’l q’ está semáu cabu ’l camin.
20El semáu en tierra pedregosa, ye aquel q’ oye la palabra de Dios, y pel prontu arrecíbela con gozu:
21Mas non tien adientro raíz, sinon que dura poco: y desque vien so elli la tribulacion y persecucion per morde de la palabra ó del evanxeliu, escandalízase nel intre.
22El semáu metanes les espines, ye ’l q’ oye la palabra de Dios, mas le’ xigomences d’ isti siglu y ’l arrullu de les riqueces, aforfúguenla, y queda en sin frutu.
23Al revés, el semáu en tierra bona, ye ’l q’ oye la palabra de Dios, y la entiende, y prodúz frutu, parte cientu per un, parte sesenta, y parte trenta.
24Pónxoyos utra comparanza, diciendo: El reinu de los cielos aseméyase á un home, que semó bona sementera en so campu:
25Pero al tiempu de dormir los homes, vieno un enemigu suyu, y semó avena metanes del trigu, y ’smucióse.
26Desque medró ’l trigu, y apuntó á granar, apaeció tamien l’ avena.
27Entós los criáos del padre de families allugáronse á elli, y dixeron-i: A Señor, ¿tu non semaste bona sementera en to campu? Pos ¿como ye que tien avena?
28Arrespuendióyos: Dalgun enemigu miúyu la semó. Arreplicaron-i los criáos ¿Quies que vayamos coyéla?
29Díxoyos: Non, porque non sia q’ arrincando l’ avena, arrinquéis al empar el trigu.
30Dexái medrar á entrambos fasta la siega, q’ al tiempu de la siega yo diré á lo’ siegadores: Apañái primero l’ avena, feila gaviellos pal fuebu, y dempués metéi ’l trigu nel mió orru.
31Endilgóyos utra comparanza diciendo: El reinu de los cielos aseméyase á un granu de mostaza, q’ apañucó un home y semólu en so campu.
32Isti granu ye á la parecencia ’l mas piquirisquin de tóes le’ sementeres: mas desque medra, vien á ser mayor que tóes les hortalices, y faise árbol, per manera que los páxaros del cielu abáxense, y pósense ne’ sos rames.
33Y ensertó ista utra comparanza. El reinu de los cielos aseméyase al formientu, q’ agarra una muyer y lu entromete ’n tres satos ó zalamines de fariña, fasta que tóa la pastia queda ’formentáa.
34Tóes istes coses enfiló Xesús al pueblu, y non yos falaba sinon per comparances:
35Compliéndose lo que dixera ’l profeta: Abriré mió boca pa falar per comparances, publicaré coses misterioses q’ estuvieron celáes de magar hai mundu.
36Entós Xesús, desque despidió la xente, coló pa casa: y acorripiándolu sos descípulos, dixeron-i: Esplícamos la comparanza de l’ avena semáa nel campu.
37Elli arrespuendióyos: El que sema la bona sementera ye ’l Fiu del home.
38El campu ye ’l mundu. La bona sementera son los fios del reinu. L’ avena los fios del espritu malu.
39’L enemigu que la Semó ye ’l diablu. La siega ye ’l fin del mundu. Lo’ siegadores son los ánxeles.
40Y ansina como se cueye l’ avena, y s’ ambura nel fuebu, ansina ’socederá al cabu del mundu:
41Unviará ’l Fiu del home á sos ánxeles, y estremarán de so reinu á tóos los escandalosos, y á cuantos faen la maldá:
42Y empovinaránlos nel fornu del fuebu. Allí será ’l llantu y ’l rucar los dientes.
43Al mesmu tiempu lo’ xustos rellumarán como ’l sol nel reinu de so Pá. El que tien oíos pa ’tolenar, atolene.
44Tamien s’ asemeya ’l reinu de los cielos á un tesoru escondíu nel campu, que si lu afalla un home, escuéndelu de nuevo, y gozosu del afallamientu cuerre, y viende tóo cuanto tien, y compra aquel campu.
45El reinu de los cielos aseméyase ansinamesmo á un negociante, que trata en margarites fines.
46Y atopando una de munchu preciu, cuerre, y viende tóo cuanto tien, y cómprala.
47Tamien s’ asemeya ’l reinu de los cielos á una rede barreera, q’ echáa na mar arrabaña piescáu de tóes clases:
48Y sacándola, desq’ está llena, los piescadores, y currucáos en ’a vera, van estremando los bonos y métenlos en sos cestos, y tiren los de mala calidá.
49Ansina ’socederá al fin del siglu: saldrán los ánxeles, y estremarán los malos d’ ente lo’ xustos,
50Y empovinaránlos nel fornu de fuebu: allí será ’l llantu, y ’l rucar los dientes.
51¿Entendiesteis bien tóes istes coses? Sí, Señor, i arrespundieron.
52Y elli añadió: Per iso tóu dotor bíen enteráu nes coses del reinu de los cielos, aseméyase á un padre de families, que va sacando de so repuestu coses nueves y vieyes segun cuaya.
53Desque Xesús acabó istes eomparances, coló d’ inde.
54Y diendo á so patria, pónxose á ensiñar neʼsinagogues de lo’ sos vecinos, per manera que los dexaba empapielláos, y dicín: ¿Ónde i vieno á isti tanta sapiencia, y tantes maravíes?
55Quiciáis ¿non ye ’l fiu del artesanu ó carpinteru? ¿So ma non ye la que llamen María? ¿Non só lo’ sos primos hermanos Xacobu, Xosé, Simon y Xúes?
56¿Y le’ sos primes hermanos non viven tóes metanes de nosotros? Pos ¿ónde i vernán á isti tóes aquises coses?
57Y escandalizábense d’ elli. Mas díxoyos Xesús: Non hai profeta sin honor, mas q’ en so tierra, y en so propia casa.
58Y ansina fexo aquí pocos milagros per morde de que non crin.
SAN MATEU 14
1PER aquel tiempu Heróes el tetrarca aportó oyer lo que ruxín de Xesús:
2Y dixo á sos cortesanos: Isti ye Xuan el Bautista, que resuscitó d’ ente los mortos, y por iso resplande tanto ’n elli la virtú de fer milagros.
3Hai que saber q’ Heróes prendío á Xuan, y amarráu con cadenes encaxólu na cárcel per morde d’ Herodíes muyer de so hermanu.
4Porque Xuan dicíai: Non te ye llícito tenéla per muyer.
5Y Heróes bien queria facélu morrer, pero non s’ atrevia per miéu del pueblu: porque tóos tenín á Xuan per un profeta.
6Mas nel festexamientu del compliaños d’ Heróes, salió bailar la fia d’ Herodíes metanes de la corte; y gustói tanto á Heróes,
7Que prometiói con xuramentu dai cualquier cosa que i pidiés.
8Con iso illa, socatráa ya por so ma: Tráime aquí, dixo, ’n una fonte ó platu la cabeza de Xuan Bautista.
9Dió señardá isto al rei: mas per morde del xuramentu, y de los convidáos, mandó dáila.
10Y ansina unvió á degollar á Xuan en ’a cárcel.
11Nel intre truxeron so cabeza ’n una fonte, y diéronla á la rapaza, que i la ufrió á so ma.
12Acudierou dempués sos descípulos á recoyer el cuerpu, y sepultáronlu, y colaron dai á Xesús la noticia.
13Xesús desque oyó aquello q’ Heróes dicia d’ elli, esmucióse d’ allí pe’ la mar á un ermu, fora de pobláu: mas sabiéndolo le’ xentes, salieron de les ciodáes, siguiéndolu á pié per tierra.
14Y al amiyáse del barca, viendo tantu xentíu, llastimóse d’ illos, y curó sos enfermos.
15Allá á la tardica, allugáronse á elli sos descípulos, diciendo: Isti llugar ye un ermu, y la gora ye avanzaíca ya: despacha aquise’ xentes pa que vayan á los pueblos á comprar daqué que comer.
16Pero díxoyos Xesús: Non tienen menester d’ ise: dayos vosotros de comer.
17A lo que arrespuendieron-i: Non tenemos aquí mas que cinco panes y dos piescaúcos.
18Díxoyos Xesús: Apurrímelos pa ’cá.
19Y desque mandó asentáse á tóos so la yerba, agarró los cinco panes y los dos piescáos, y allevantando los güeyos al cielu bendíxolos, y espedazólos, y dió los panes á los descípulos, y los descípulos diéronlos á la xente.
20Y comieron tóos, y fartucáronse, y de lo que sobró apañucaron doce copinos acorrompináos de garitos.
21El númeru de los que comieron fo de cinco mil homes, en sin cuntar les muyeres y los niñinos.
22Dempués d’ isto Xesús fexo á sos descípulos embarcáse nel intre, y dir esperálu á la vera d’ allá del llagu, en tanto q’ elli despachaba á la xente.
23Y desque la despachó, subióse orar solu ’n un monte, y atapecío ya, mantévose solu allí:
24En isto la barca ’staba metanes la mar arremetía de los cachones con gran furia, porque tenín vientu de contra.
25Allá á la cuarta vela de la noche, vieno Xesús á ó ’staben, andando so la mar.
26Y atisbándolu los descípulos andar so la mar, plasmaron, y dixeron: Ye una fantasma. Y atochecíos de miéu, entamaron á dar gritos.
27Nel intre yos faló Xesús, diciendo: Cobrái ánimu: só yo, non tengáis miéu.
28Y arrespuendió Pedru: A Señor, si yes tu, mándame dir pa ’hí so les agües.
29Y díxoi elli: Veni. Y amiyando Pedru de la barca, diba andando so lʼ agua pa ’llugar á Xesús.
30Pero viendo la furia del vientu, asustóse: y empezando lluego á fundíse, dió un gritu diciendo: Sálvame, Señor.
31Nel intre Xesús, espurriendo la mano, agarrólu del brazu, y díxoi: Home de poca fe, ¿por qué dudaste?
32Y desque se ’smucieron en ’a barca, aparó ’l vientu.
33Mas los q’ estaben adientro, arrimáronse á elli y adoráronlu, diciendo: Miániques que yes el Fiu de Dios.
34Atravesáu lluego ’l llagu, arribaron á tierra de Xenesaré.
35Y como lu conociesen los d’ ista tierra, lluego unviaron avisu per tóu aquel cotarru, y truxeron-i tóos los amaláos:
36Y pedín-i per favor el tocar náa mas q’ el ruéu de so vestíu. Y cuantos lu tocaben, tantos quedaben sanos.
SAN MATEU 15
1’N ISTA sazon dalgunos escribas y fariseos q’ habín venío de Xerusalen, dixeron-i:
2¿Por qué motivu los tos descípulos traspasen les conseyes de los antiguos, non llavándose les manes al xintar?
3Y elli arrespuendióyos: ¿Y por qué vosotros mesmos traspasáis el mandamientu de Dios pa seguir vuestra tradicion? Pos Dios tien dicho:
4Honra á to pá, y á to ma: y tamien: Quien maldixés á so pá, ó á so ma, sia condenáu á morte.
5Y vosotros dicís: Quienquiera que dixés á so pá, ó á so ma: La ufierta que yo per mió parte ufriere será pa to provechu:
6Ya non tien menester d’ honrar ó sucurrer á so pá, ó á so ma: con lo que veniesteis á esñizar el mandamientu de Dios per morde de vuestres conseyes.
7Falseros! razon tenia Isaíes, cuando predixo de vosotros:
8Aquisti pueblu hónrame con sos llabios; pero tien lloñe de min so corazon.
9En baldre me honra, ensiñando dotrines y mandamientos d’ homes.
10Y llamando cabu sí á la xente, díxoyos: Ascuchái, y atolenái bien á isto.
11Non lo que cuela pe’ la boca ’baxo, ye lo q’ enlluxa al home; sinon lo que sal pe’ la boca, aquiso ye lo que lu enlluxa.
12Entós arrimándose sos descípulos, dixeron-i: ¿Ello non sabes que se ’scandalizaron los fariseos d’ isto q’ acaben d’ oyer?
13Mas Xesús arrespuendióyos: Tóa planta que mió Pá celestial non plantó, ha ser arrincáa de raíz.
14Dexáilos: illos só unos ciegos, q’ afalen á utros ciegos: y si un ciegu se mete á ’falar á utru ciegu, entrambos á dos caen nel pozu.
15Aquí Pedru empezando á falar díxoi: Esplícamos aquisa comparanza.
16Y arreplicói Xesús: ¡Quequé! tamien vosotros entovía tenéis tan pocu entendimientu?
17¿Pos non conocéis que tóo cuanto cuela pe’ la boca, va per allí al vientre, y s’ echa en llugares secretos?
18Mas lo que sal de la boca, sal del corazon; y aquiso ye lo q’ enllamuerga ’l home:
19Porque del corazon ye onde salen los malos pensamientos, los homicidios, adulterios, fornicaciones, furtos, falsos testimonios, blasfemes:
20Istes coses sí q’ enlluxen al home. Mas el xintar sin llaváse les manes, non lu enlluxa.
21Desque coló d’ inde Xesús, coyó ’l camin de Tiro y Sidon.
22Cuando cata ’quí q’ una muyer cananea venía d’ aquella rodiáa entamó á dar voces, diciendo: A Señor, fiu de Daví, ten llástima de min: la mió fia ye atormentáa mui d’ arrecio pel demorgn.
23Xesús non i gurgutó palabra. Y sos descípulos allugándose pedín-i diciendo: Concédei lo que pide pa que se vaya: pos vien gritando detrás de nosotros.
24A lo que arrespuendiendo Xesús, dixo: Yo non só unviáu mas que pa les oveyes desveredáes de la casa d’ Israel
25Con isto y tóo illa ’llugóse y adorólu, diciendo: A Señor, sucúrreme.
26Elli diói pe’ rempuesta: Non ye xusto agarrar el pan de los fios, y echálu á los canes.
27Mas illa dixo: Ye verdá, Señor; pero los cachorrinos comen pe’ lo menos les farugues que se ’scuerren de la mesa de sos amos.
28Entós arrespuendiendo Xesús, diz-i: ¡Ah muyer! grande ye to fe: fágase conforme tu lo desés. Y na mesma gora quedó curáa so fia.
29D’ inde coló Xesús pa la vera de la mar de Galilea: y subiéndose á un monticu, asentóse allí.
30Y acurriéronse á elli munches xentes, que trin consigo mudos, ciegos, coxos, tullíos, y munchos utros amaláos y ponxéronlos á sos piés, y curólos:
31Per manera que le’ xentes quedaben ablucáes, al ver falar á los mudos, andar á los coxos, y ver á los ciegos: y lloaben al Dios d’ Israel.
32Mas Xesús, llamáos sos descípulos, dixo: Dame llástima d’ ista xente, porque ya magar tres dis q’ están co’ mió, y no tienen una consolancia que comer: y atarrezo despachálos ’n ayunes, non sia que yos dé dalguna flaqueza pel camin.
33Pero sos descípulos arrespuendieron-i: ¿Ónde hemos sacar ’n isti ermu tantu pan pa fartucar un xentíu tan grande?
34Díxoyos Xesús: ¿Cuántos panes tenéis? Arrespuendieron: Siete, con dalgunos piescaínos.
35Entós mandó á la xente que s’ asentás nel suelu.
36Y elli agarrando lo’ siete panes, y los piescáos, desque dió gracies ó fexo oracion, espedazólos y diólos á sos descípulos, y los descípulos diéronlos á la xente.
37Y comieron tóos, y fartucáronse. Y de los garis que sobraron, acorrompinaron siete maniegues.
38Los que comieron yeren cuatro mil homes, en sin cuntar los niñinos y les muyeres.
39Con iso despidiéndose d’ illos, enfilóse ’n una barca: y fo pa los llinderos de Maxedan.
SAN MATEU 16
1VINIERON encontrálu aquí los fariseos y saduceos; y pa tientálu, pidieron-i que yos fexés ver dalgun prodixu nel cielu.
2Mas elli arrespuendióyos: Cuando va ’tapeciendo decís delles de veces: Va fer bon tiempu, pos está ’l cielu bermeyu.
3Y pe’ la mañanica: Hoi va fer tormenta, pos está ’l cielu sele, y relluma.
4¿Conqué sabéis adivinar pe’ la facha del cielu, y non podéis conocer le’ siñales clares d’ istos tiempos del avenimientu del Mesíes? Aquista raza ó castra mala y adúltera pide un prodixu: mas non se i dará isi que pide, sinon el prodixu del profeta Xonás. Y dexándolos, fose.
5Escaeciéraseyos tomar pan á sos descípulos, que habín venío de la vera d’allá del llagu.
6Y díxoyos Xesús: Arrecaldái y guardáivos del formientu de los fariseos y saduceos.
7Mas illos pensatibles afalucaben pa con sí: Diz isto porque non truximos pan.
8Y conociéndolo Xesús, dixo: Homes de poca fe, ¿q’ andáis afalucando pa con vosotros, porque non tenéis pan?
9¿Entovía non tenéis entendimientu, y escaeciósevos ya lo de los cinco panes repartíos ente cinco mil homes, y cuántos copinos de garitos apañucasteis?
10¿Y lo de lo’ siete panes pa cuatro millaráes, y cuántes maniegues acorrompinasteis de lo que sobró?
11¿Como non conocéis que non fo per morde del pan pe’ lo que vos dixe: Guardáivos del formientu de los fariseos y saduceos?
12Entós cayeron en que non yos dixera que se guardasen del formientu que s’ entromete nel pan, sinon de la dotrina de los fariseos y saduceos.
13Viniendo dempués Xesús pa la rodiáa de Cesarea de Filipo, entrugó á sos descípulos: ¿Quién ruxen los homes per ahí que ye ’l Fiu del home?
14Arrespuendieron-i illos: Dalgunos dicen que Xuan Bautista, utros Elíes, utros, en fin, Xeremíes, ó dalgun de los profetas.
15Dizyos Xesús: ¿Y vosotros quién dicís que só yo?
16Tomando la palabra Simon Pedru dixo: Tu yes el Cristu ó Mesíes, el fiu de Dios vivu.
17Y arrespuendiendo Xesús, díxoi: Dichosu tu, Simon fiu de Xoná: porque non te reveló iso la carne nin la sangre ó dalgun, home, sinon mió Pá, q’ está nos cielos.
18Y yo dígote que tu yes Pedru, y que so ista piedra faré mió iglesia, y les puertes ó ’l poderíu tóu del infiernu non podrán con illa.
19Y daréte á ti les llaves del reinu de los cielos. Y tóo lo q’ arreyares so la tierra, arreyáo será al empar en ’os cielos: y tóo lo que desarreyares so la tierra, desarreyáo será al empar en ’os cielos.
20Entós mandó á sos descípulos q’ á naide dixesen que yera elli Xesús el Cristu ó Mesíes.
21Y nel intre empezó á dicer á sos descípulos que yera bono q’ elli fora á Xerusalen, y que padeciés allí muncho de parte de lo’ xueces, y de los escribas, y de los príncepes de lo’ sacerdotes, y que fues muertu, y que resuscitás al tercer día.
22Y tomándolu pa una vera Pedru, entamó á ’ldiricái diciendo: ¡Ah Señor’ Lloñe de ti tal cosa: quiá, non ha ser contigo ansina.
23Pero Xesús encarándose ’n elli, díxoi: Quítateme de delantre satanás, que me ’scandalices: porque non tienes entendimientu nin gustu de les coses que son de Dios, sinon de les de los homes.
24Entós dixo Xesús á sos descípulos: Si dalgun quier ensartáse co’ mió, niéguese á se mesmu, y arrecostine con so cruz, y entame tras de min.
25Pues quien quixés salvar so vida obrando contra min, perderála: mas quien perdiés so vida per morde de min, afallarála.
26Porque ¿qué i sirve al home atropar tóu ’l mundu, si pierde so alma? Ó ¿con qué cambiu podrá ’l home rescatála una vez perdía?
27Ello ye q’ el Fiu del home ha venir guarníu de la gloria de so Pá con sos ánxeles al empar á xuzgar los homes; y entós dará ’l pagu á cad’ un segun sos obres.
28Miániques vos digo, q’ están aquí dalgunos que non han morrer fasta que vean al Fiu del home aparecése nel arrullu del so reinu.
SAN MATEU 17
1SES dis dempués tomó Xesús consigo á Pedru, y á Xacobu, y á Xuan so hermanu, y subiéndose á un monte empináu con illos náa mas:
2Trasfeguróse ’n so presencia. Y pónxose so rostru resplandorientu como ’l sol, y sos vestíos blancos lo mesmo que la ñeve.
3Y nel intre se yos aparecieron Moisés y Elíes afalucando con elli de lo q’ habia padecer en Xerusalen.
4Entós Pedru tomando la palabra, dixo a Xesús: A Señor, bono ye ’stámos aquí: si te paréz, fagamos aquí tres cabañes, una pa ti, utra pa Moisés, y utra pa Elíes.
5Entovía ’staba Pedru falando, cuando amiyó una nube resplandorienta que los atapó. Y dexóse oyer al mesmu tiempu dende la nube una voz que dicia: Isti ye ’l mió Fiu queríu, en quien yo me fuelgo perdafecho: ascucháilu.
6Al oyéla los descípulos cayeron de cara nel suelu, y quedaron espavoríos percompleto.
7Mas allugóse á illos Xesús, tocólos, y díxoyos: Irguíivos, y non vos amedrentéis.
8Y alzando los güeyos, non vieron á naide mas q’ á Xesús.
9Y al amiyar del monte, mandóyos una cosa, diciendo: Non digáis á naide lo que viesteis, fasta que ’l Fiu del home resuscite d’ ente los mortos.
10Y entrugaron-i los descípulos ¿Entós como dicen los escribas q’ ha venir primero Elíes?
11A isto arrespuendióyos Xesús: Ye verdá q’ Elíes ha venir antes de mió segunda venía, y entós recomporná tóes les coses.
12Pero yo dígovos q’ Elíes ya vieno, y non lu conocieron, sinon que fexeron con elli tóo cuanto quixeron. Ansina tamien farán illos padecer al Fiu del home.
13Entós cayeron los descípulos en que yos falára de Xuan Bautista.
14Desque llegó á ó lu ’speraben le’ xentes, vieno un home, y afincándose de xinoyos delantre d’ elli, díxoi: A Señor, teni llástima del mió fiu, porque ye allunáu, y padéz muncho: pos cai á menudo nel fuebu, y á cáa pásu nel agua:
15Y ufrílu á los tos descípulos, y non podieron curálu.
16Xesús dixo en rempuesta: ¡Ah castra sin fe y permala! ¿fasta cuándo tengo vivir con vosotros? ¿fasta cuándo vos tengo aguantar? Tréimelu pa ’cá.
17Y Xesús amenazó al demorgu, y dexó al rapaz, que quedó sanu nel intre.
18Entós los descípulos falaron-i á parte á Xesús, y dixeron-i: ¿Per morde de qué non podiemos esconxurálu nosotros?
19Arrespuendióyos Xesús: Porque tenéis poca fe. Pos miániques vos aseguro que si tuviereis fe, náa mas que com’ un graniquin de mostaza, podreís dicer á isi monte: Cuérrete de ’quí pa ’llá, y cuerreráse, y náa vos será imposible.
20Y arriendes d’ isto, porque tal castra de demorgos non se llanza sinon pe’ la oracion, y ’l ayunu.
21Estaben illos en Galilea, y díxoyos otra vez Xesús: El Fiu del home ha ser entregáu en manes de los homes.
22Y mataránlu, y resuscitará al tercer dia. Y dió isto una señardá pergrande á los descípulos.
23Desque llegó á Cafarnaun, arrimarónse á Pedru los que cobraben el tributu de les dos drames, y dixeron-i: ¿Ello vuestru Maestru non paga les dos drames?
24Sí, bon, sí, respuendió. Y como intrás en casa, entrugói primero Xesús, diciendo: A Simon, ¿qué te paréz? Los reyes de la tierra, ¿de quién cobren tributu ó censu? ¿de sos mesmos fios, ó de los aneyos?
25De los aneyos, dixo élli. Arreplicó Xesús: Entós los fios están llibres.
26Con iso y tóo, pa que non los escandalicemos, cuerre á la mar y echa ’l anzuelu, y agarra ’l primer piescáu que saliere, y desque i abras la boca, afallarás una pieza de plata de cuatro drames; apáñala, y dáyosla per min, y per ti.
SAN MATEU 18
1’N ISTA mesma ocasion allugáronse los descípulos á Xesús, y entrugaron-i: ¿Quién cúides que será ’l mayor nel reinu de los cielos?
2Y Xesús, llamando cabu sí á un niñin, pónxolu metanes d’ illos,
3Y dixo: Miániques vos digo, que si non vos convertís y feis lo mesmo que niñinos en lo morosico y humilde, non vos enfilaréis nel reinu de los cielos.
4Y ansina quienquiera que s’ humillare como isti niñin, aquisi será ’l mayor nel reinu de los cielos.
5Y ’l q’ arrecibiere á un niñin tal cual acabo de dicer, en mió nome, á min m’ arrecibe:
6Mas quien escandalizare á un d’ aquistos parvulinos, que cren en mió, meyor i fora que i amarrasen al cuellu una d’ aquises piedraces de molin que mueve un asnu, y ansina lu echasen en ’o mas fondo de la mar.
7¡Ai probe del mundu per morde de los escándalos! Pos si ye verdá que tien q’ haber escándalos; á pesar d’ iso ¡probe del home que causa ’l escandalu!
8Que si to mano ó ’l to pié ye pa ti ocasion d’ escandalu ó pecáu, frádalos y tíralos lloñe de ti: pos mas te val enfiláte na vida eterna mancu ó coxu, que con dos manes ó dos piés ser echáu nel fuebu eternu.
9Y si to güeyu ye pa ti ocasion d’ escandalu, arríncalu y tíralu lloñe de ti: meyor te ye intrar na vida eterna con un güeyu náa mas, que tener dos güeyos, y ser echáu nel fuebu del infiernu.
10Mirái que non despreciéis á dalgun d’ aquistos piquiñinos: porq’ hais saber que sos ánxeles de guardia nos cielos están siempre viendo la cara de mió Pá celestial
11Y al endefetu ’l Fiu del home vieno salvar lo q’ habia perecío.
12Si un home tien cien oveyes, y una d’ illes se desveredare, ¿qué vos paréz que fará entós? ¿non dexara les noventa y nueve nos montes, y dirá en busca de la que se desveredó?
13Y si por fortuna la ’falla, miániques vos digo que se fuelga mas con ista que co’ les noventa y nueve que non se i desveredaron.
14Ansinamesmo, non ye voluntá de vuestru Pá, q’ está nos cielos, el que pereza un solu d’ istos piquiñinos.
15Que si to hermanu pecare contra ti ó fexere daqué malo, cuerre y arrepréndelu ente ti y elli náa mas: si t’ ascucha, habrás agananciáo á to hermanu:
16Si non fexere casu de ti, valte ’ntovía d’ una, ó dos persones, pa que coste tóo pe’ la boca de dos ó tres testigos.
17Y si non los ascuchare, dílo á la iglesia: pero si nin á la mesma iglesia oyere, tenlu per xentil y publicanu.
18Miániques vos aseguro, que tóo lo que lligareis so la tierra, será lligáo al empar en el cielu: y tóo lo que deslligaréis so la tierra, será deslligáo al empar en el cielu.
19Dígovos entovía mas: que si dos de vosotros s’ axuntasen so la tierra pa pedir dalguna cosa, mas que sia lo que sia, faráyosla mió Pá q’ está nos cielos.
20Porque á ú ’stan axuntáos dos ó tres en mió nome, está yo allí metanes d’ illos.
21Entós, arrimándosei Pedru, entrugói: A Señor, ¿cuántes veces teno perdonar á mió hermanu cuando pecare contra min? ¿fasta siete veces?
22Arrespuendiói Xesús: Non te digo yo fasta siete veces, sinon fasta setenta veces siete, ó cuantes t’ ofendiere.
23Per isto ’l reinu de los cielos s’ asemeya á un rei que quixo axustar cuentes con sos criáos.
24Y desque empezó á ’xustáles, vieno un que i debia diez mil talentos.
25Y como non tuviés onde los sacar, mandó so señor que lu vendiesen á elli, y á la so muyer, y á lo’ sos fios con tóa so facienda, y q’ ansina se i pagás la deuda.
26Entós el criáu, afincándose delantre d’ elli, pedíai diciendo: Teni pacencia per un poco, que yo te lo pagaré tóo.
27Llastimáu ’l señor d’ aquel criáu, dexólu llibre, y á mas perdonói tóa la deuda.
28Mas apenes salió isti criáu de so presencia, afalló á un de sos compañeros que i debia cien dineros; y echándoi les manes al pescuezu afurfugábalu diciéndoi: Págame lo que me debes.
29El compañeru afincándose á sos piés, pedíai diciendo: Teni un migayin de pacencia co’ mió, que yo te lo pagaré tóo.
30Mas elli non fexo casu, sinon que fo y encaxólu na cárcel fasta que i pagás lo que i debia.
31Al ver los utros criáos sos compañeros lo que pasaba, dióyos una gran señardá: y colaron cuntar á so señor tóo lo acaecío.
32Entós llamólu so Señor, y díxoi: ¡Ah mal criáu! perdonéte yo tóa la deuda porque me lo pedisti.
33¿Non yera entós razon que tuvieses tu tamien llástima de to compañeru, como yo la tevi de ti?
34Y enritáu ’l señor entrególu en manes de los verdugos, pa que lu atormentasen fasta que pagás tóa la deuda sin dexar náa.
35D’ isti móu mesmu fará mió Pá celestial con vosotros, si cad’ un non perdonare á so hermanu de tóes les veres de so corazon.
SAN MATEU 19
1DESQUE peracabó Xesús aquistes plátigues, coló de Galilea, y vieno á los llinderos de Xudea, de la vera d’ allá del Xordan,
2A ó fo en so zaga una gran brañáa de xente, y curó allí lo’ sos enfermos.
3Y allugáronsei los fariseos pa tientálu, y dixeron-i: ¿Ello ye llícito á un home despachar la so muyer per cualquier cosa?
4Y arrespuendióyos Xesús: ¿Non leyesteis q’ el que crió ’l llinaxe homanu en so naciencia, crió un home y una muyer náa mas; y que se dixo:
5Pe’ lo mesmo dexará ’l home á so pá y á so ma, y xuniráse con so muyer, y serán dos ’n una carne?
6Ansina ye que non son ya dos, sinon una carne sola. Per iso non asepare ’l home lo que Dios xunió.
7Entós ¿por qué, aldiricaron illos, mandó Moisés dar llibelu de divorciu y despachála?
8Díxoyos Xesús: Per morde de lo duro de vuestru corazon vos dexó Moisés despachar á vuestres muyeres; que lo que ye ’n so nacencia non fo ansina.
9Dígovos pe’ lo mesmo que quienquiera que despachás á so muyer, á non ser per morde d’ adulteriu, y siquiera entós se xuniés con dalgun’ utra, el tal isti fai adulteriu; y quien se xuniere co’ la divorciáa, tamien lu fai.
10Dicin-i sos descípulos: Si tal ye la cosa del home con so muyer, non tien cuenta xuníse.
11Xesús arrespuendióyos: Non tóos son capaces d’ illo, sinon aquellos á quienes se yos dió d’ arriba.
12Porq’ hai capones que nacieron ansina del vientre de sos madres; hai capones que foron fechos pe’ los homes; y capones hai que se fexerón en dalgun móu á se mesmos per morde del reinu de los cielos col votu de castidá. Aquel que sia capaz d’ iso, fágalo.
13’N ista sazon ufrieron-i unos niñinos, pa que ponxés les manes so illos, y orás. Mas los descípulos criendo que lu ’ntufaben, aventábenlos.
14Pero Xesús díxoyos; Dexái en paz á los niñinos, y non yos estorbéis acurríse á min; pos de los que s’ asemeyen á illos ye ’l reinu de los cielos.
15Y desque yos ponxo les manes ó yos dió la bendicion, coló d’ inde.
16Allugósei entós un home mocicu que i dixo: A Maestru bonu, ¿qué coses bones tengo fer pa ’lcanzar la vida eterna?
17Y arrespuendiói; ¿Por qué me llames bonu? El bonu ye Dios náa mas. En cuanto ’l utro, si quies enfiláte na vida eterna, guarda los mandamientos.
18Díxoi elli: ¿Qué mandamientos? Arrespuendiói Xesús: Non matarás: non farás adulteriu: non furtarás: non llevantarás falsu testimoniu:
19Honra á to pá y á to ma; y ama a to próximu como á te mesmu.
20Díxoi ’l mocicu: Tóes ises coses fexe de magar so neñu, ¿fáltame daqué ’ntovía?
21Arrespuendiói Xesús: Entós si quies ser perfetu, cuerre, y viende cuanto tienes, y dáyoslo á los probes, y ternás un tesoru nel cielu: torna ’cá dempués, y sígueme.
22Desque oyó isto ’l mocicu, fose aseñardáu: y yera per morde que tenia munches caseríes.
23Xesús dixo entós á sos descípulos: Miániques vos digo, que xera i ha costar á un ricu enfiláse nel reinu de los cielos.
24Y entovía vos digo mas: Mas fácil ye q’ un camellu cuele pel güeyu d’ un’ aguya, que s’ enfile un ricu nel reinu de los cielos.
25Cuando oyeron istes coses, los descípulos quedaben ablucáos perdafecho, afalucando pa con sí: ¿Quién podrá salváse?
26Pero Xesús mirándolos en tientes, díxoyos: Pa los homes isto ye imposible: mas pa Dios tóes les coses son posibles.
27Tomando entós Pedru la palabra, díxoi: Bien ves que nosotros dexámos tóes les coses, y te seguiemos: ¿qué mercé será la nuestra pe’ lo mesmo?
28Mas Xesús arrespuendióyos: Dígovos miániques, que vosotros que me siguiesteis, nel dia de la resurrecion xeneral, cuando ’l Fiu del home s’ asentará nel tronu de so maxestá, vosotros tamien vos asentaréis so doce sielles, y xuzgaréis á les doce tribus d’ Israel.
29Y quienquiera que dexare casa, ó hermanos, ó hermanos, ó pá, ó ma, ó muyer, ó fios, ó llabrances per morde del mió nome, arrecibirá cien veces mas en coses meyores, y terná dempués la vida eterna.
30Y munchos que yeren los primeros ’n isti mundu han ser los últímos, y munchos que yeren los últimos han ser los primeros.
SAN MATEU 20
1PORQUE ’l reinu de los cielos aseméyase á un padre de families, q’ al riscar l’ alba salió axustar xornaleros pa so viñéu,
2Y desque s’ axustó con illos nun dineru per cáa dia, unviólos á so viñéu.
3Saliendo dempués cerca de la gora de tercia, afallóse con utros q’ estaben mano so mano na plaza,
4Y díxoyos: Dii tamien vosotros al mió viñéu, y yo vos daré lo que fues xusto.
5Y ellos colaron. Tornó á salir utres dos veces allá á la gora de sesta y á la gora de nona: y fexo lo mesmo.
6Salió á la postre cerca de la gora undécima, y vió utros q’ entovía ’staben sin fer náa, y díxoyos: ¿Como ’stáis aquí uciosos tóu ’l dia?
7Arrespuendieron-i: Ye que naide nos llamó á xornal. Díxoyos: Pos dii tamien vosotros al mió viñéu.
8Desque atapeció, dixo ’l amu del viñéu á so mayordomu: Llama lo’ xomaleros, y págayos el xornal, encomenzando pe’ los postreros y acabando nos primeros.
9Veníos entós los q’ habín dío cerca de la gora undécima, arrecibieron un dineru cad’ un.
10Cuando á la postre allugaron los primeros, barruntaron que yos darín dalgo mas: pero arrecibieron lo mesmo un dineru cad’ un.
11Y al agarrálu refunfuñaben contra ’l padre de families,
12Diciendo: Istos postreros non trabayaron mas q’ una gora, y fexéstelos eguales á nosotros, que sofrímos la xera del día, y del calor.
13Mas elli arrespuendió á un d’ illos: Amigu, non te fago perxuíciu: ¿non t’ axustaste comigo ’n un dineru?
14Cueye lo que ye tuyo, y cuela: yo quiero dar á isti, anque sia ’l últimu, lo mesmo q’ á ti.
15¿Quiciáis non puedo yo fer de lo miúyo lo que quiero? ¿ó ha ser to güeyu malu ó envidiosu, porque yo só bonu?
16Ansinamesmo los postreros ’n isti mundu han ser los primeros nel reinu de los cielos, y los primeros postreros: pos munchos son los llamáos, y pocos los escoyíos.
17Y esfilando Xesús pel camin de Xerusalen, aseparó pa una vera á sos doce descípulos, y díxoyos:
18Mirái que vamos pa Xerusalen, á ú ’l Fiu del home ha ser entregáu á los príncepes de lo’ sacerdotes y á los escribas, y condenaránlu á morte,
19Y entregaránlu á lo’ xentiles pa que lu ’nsandezan, y lu azoten, y lu ’nclaven ’n una cruz; mas elli ha resuscitar al tercer dia.
20Entós la madre de los fios del Zebedeu acurrióse pa elli con sos dos fios, y féxoi acatamientu, aparentando querer pedíi dalgun favor.
21Xesús díxoi: ¿Qué quies? Illa arrespuendiói: Dispón q’ istos miós dos fios s’ asienten nel to reinu, ’l un á la to derecha, y ’l utru á la to izquierda.
22Mas Xesús diói pe’ rempuesta: Non sabéis lo que pedís. ¿Podéis beber el cáliz de la pasion que yo tengo de beber? Dicin-i: Bien podemos.
23Arreplicóyos: El mió cáliz miániques que lu hais beber: mas ’l asentávos á mió derecha ó izquierda non ye cosa miúya ’l concedévoslo á vosotros, sinon que será pa ’quellos pa quienes mio Pá lo tien aperiáo.
24Desq’ oyeron isto los utros diez apóstoles, enritáronse contra los dos hermanos.
25Mas Xesús llamólos cabu sí, y díxoyos: Bien sabéis que los príncepes de le’ xentes dominen á lo’ sos pueblos: y que lo’ so’ señores yos manden con imperiu.
26Non ha ser ansina ente vosotros: sinon que quien quixere ser mayor ente vosotros, debe ser vuestru criáu:
27Y ’l que quixere ser ente vosotros el primeru, ha ser vuestru siervu:
28Del mesmu móu que ’l Fiu del home non vieno pa que lu sirviesen, sinon pa servir elli, y pa dar so vida pa la redencion de munchos.
29Al colar de Xericó, enxaretóse con elli un gran xentíu:
30Y cata ’quí que dos ciegos q’ estaben currucáos cabu ’l camin, desque atolenaron que colaba per allí Xesús, entamaron á ’pellidar, diciendo: A Señor, a fiu de Daví, teni llástima de nosotros.
31Mas le’ xentes arregañábenyos pa que callasen. Pero illos daben entovía mayores gritos, diciendo: A Señor, a fiu de Daví, teni llástima de nosotros.
32Aparóse entós Xesús, y llamándolos, díxoyos: ¿Qué queréis que vos faga?
33Señor, i arrespuendieron illos, que se mos abran los güeyos.
34Y llastimáu Xesús, tocóyos los güeyos. Y nel intre vieron, y s’ enfilaron con elli.
SAN MATEU 21
1DESQUE s’ acercaron á Xerusalen, y avistaron á Befaxe cabu ’l monte de los Ollivos, unvió Xesús á dos descípulos,
2Diciéndoyos: Dii á isa aldea, que s’ avista ’hí en frente de vosotros, y nel intre afallaréis una pollina arreyáa, y al empar el so pollinin: desarreyáilos, y tréimelos:
3Que si daquien vos dixere dalguna cosa, arrespuendéi que tien menester d’ illos el Señor: y nel intre vos dexará lleválos.
4Tóo isto acaeció pa que se compliés lo que dixo ’l profeta:
5Dicí á la fia de Sion: Míra que to rei vien á ti mansolin, arrebalgáu ’n una pollina y un pollinin, fiu de la q’ está avezáa al xugu.
6Desque colaron los descípulos, fexeron como yos mandó Xesús,
7Y truxeron la pollina, y ’l pollinin, y aparexáronlos co’ lo’ sos vestíos, y fexéronlu arrebalgáse enriba.
8Y un verbeneru de xente ’straba ’l camin co’ lo’ sos vestíos, y utros fradaben ramascos ó espeñicaben fueyes do los árboles, y estrábenlu tamien:
9Y lo mesmo la xente delantrera que la trasera, llevantaben el gritu, diciendo: Hosanna, salú y lloa al fiu de Daví: benditu sia ’l que vien nel nome del Señor: hosanna no mas encumbriáo de los cielos.
10Y desque s’ enfiló dientro de Xerusalen, alborotóse tóa la ciodá, y dicín munchos: ¿Ello quién ye aquisti?
11A lo que arrespuendín le’ xentes: Isti ye Xesús, el profeta de Nazaré de Galilea.
12Y como intrás Xesús nel templu de Dios, echó fora d’ elli tóos los que vendín y compraben allí: y desbarató les meses de los cambiadores, y les tayueles de los que vendín palombes pa lo’ sacrificios:
13Y díxoyos: Escrito ’stá: La mió casa será casa d’ oracion: mas vosotros fexésteisla una cueva de lladrones.
14Al mesmu tiempu allugáronse á elli nel templu dalgunos ciegos, y coxos: y curólos.
15Pero los príncepes de lo’ sacerdotes y los escribas, al ver les maravíes que fía, y á los niñinos que lu aclamaben nel templu, diciendo: Hosanna al fiu de Daví: enritáronse,
16Y dixeron-i: A tu, ¿ello non oyes lo que falen istos? Xesús arrespuendióyos: Óyolo, sí: ¿y qué? ¿non leyesteis denyure aquella profecía: De la boquina de los niñinos y de los que mamen fexeste la meyor lloa?
17Y esnidiándose de metanes d’ illos, coló fora de la ciodá á Betania: y mantévose allí.
18’L utru dia pe’ la mañanica, tornando á la ciodá, tevo fame.
19Y atisbando una figal cabu ’l camin, coló pa ’llá: y non afallando ’n illa náa mas que fueyes, díxoi: Enxamás naza de ti frutu dalgun. Y nel intre se secó la figal.
20Y viéndolo los descípulos, quedaron ablucáos, y dicín: ¡Qué tala se ponxo ’n un verbu!
21Y arrespuendiendo Xesús, díxoyos: Miániques vos digo, que si tenéis fe, y non dudáis, non solo hais fer aquisto de la figal, sinon que si dixereis á isi monte: írguite, y tírate á la mar, farálo ansina.
22Y cuanto pidiereis en ’a oracion, como sia con fe, tanto alcanzaréis.
23Desque vieno al templu, allugáronse á elli cuando ya ’staba ensiñando, los príncepes de lo’ sacerdotes, y los vieyos ó conceyales del pueblu, y entrugaron-i: ¿Ello con qué autoridá faes istes coses? ¿Y quién te dió a ti aquista potestá?
24Arrespuendióyos Xesús: Quiero yo tamien entrugávos una cosa: y si me la arrespuendéis, dirévos entós con q’ autoridá fago yo aquistes coses.
25¿El bautismu de Xuan onde yera? ¿del cielu, ó de los homes? Mas illos cavilaben pa con sí, diciendo.
26Si arrespuendemos, del cielo, dirámos: ¿Entós porqué non cristeis ’n elli? Si arrespuendemos, de los homes, tenemos que temer al pueblu: pos tóos tenín á Xuan per un profeta.
27Y ansina contestaron á Xesús, diciendo: Non sabemos. Arreplicóyos Xesús: Pos agora nin tampoco yo vos digo con qué potestá fago istes coses.
28¿Y qué vos paréz de lo que voi á dicer? Un home tenia dos fios, y llamando al primeru, díxoi: A fiu, vé trabayar hoi al mió viñéu.
29Y elli arrespuendió: Non quiero. Pero dempués, arrepentíu, fo.
30Llamé al segundu, y díxoi lo mesmo, y anque i arrespuendió: Bien, si Señor, vo, non fo:
31¿Quién d’ istos dos fios fexo la voluntá de so pá? El primeru, dixeron-i illos. Y Xesús antainó, diciendo: Miániques vos digo, que los publicanos, y les muyeres perdíes han enfiláse nel reinu de Dios mas aína que vosotros.
32Porque vieno Xuan pe’ les vies de la xosticia, y non lu cristeis; y los publicanos y les muyeres perdíes creyéronlu: mas vosotros, nin tampoco con ver isto, fexesteis dempués penitencia pa crer ’n elli.
33Ascuchái aquista utra comparanza: Una vez yera un home padre de families, que plantó un viñéu, y acorripiólu d’ una sebe, y cavando fexo ’n elli un llagar, llevantó una torre, arrendóla dempués á unos llabradores, y coló pa una tierra mui lloñe.
34Desque vieno la collecha de los frutos, unvió sos criáos á los caseros, pa que cobrasen el frutu d’ illa.
35Mas los caseros, arremetiendo á los criáos, solmenaron al un, mataron al utru, y apiedraron al utru.
36Tomó á unviar nuevos criáos, y mas que los primeros, y fexeron con illos lo mesmo.
37Al fin y al cabu unvióyos el so fiu, afalucando pa con sí: Al mió fiu ternán respetu pe’ lo menos.
38Pero los caseros lluego que lu atisbaron, dixeron ente sí: Isti ye ’l herederu, veníi, matémoslu, y alzarémonos con so herencia.
39Y agarrándolu sacáronlu fora del viñéu, y matáronlu.
40Agora bien, cuando torne ’l amu del viñéu, ¿qué fará con istos llabradores?
41Fará, dixeron illos, q’ ista xente tan endina pereza sin compasion; y arrendará so viñéu á utros llabradores, que i paguen el frutu á so tiempu.
42¿Pos non leyesteis dacuando nes Escritures, arreplicóyos Xesús: La piedra que desecharon los fabricantes, isa mesma vieno á ser la clave del ángulu? ¿El Señor ye ’l que fexo isto en nuestros dis, y ye una maravía á los nuestros güeyos?
43Pe’ lo mesmo vos digo, que vos quitarán el reinu de Dios, y daránlu á xente que pague frutu d’ obres bones.
44Y ansina quien se ’scandalizare ó cayere so ista piedra, frayaráse: y aquel so quien cayere aquista piedra nel día del xuíciu, estrapallarálu.
45Desq’ oyeron los príncepes de lo’ sacerdotes y los fariseos istes comparances de Xesús, cayeron na cuenta de que falaba d’ illos.
46Y como quixesen prendélu, tuvieron miéu á la xente: porque tóos lu tenín per un profeta.
SAN MATEU 22
1ENTANTO Xesús, siguiendo la platiga, falóyos utra vez per eomparances, diciendo:
2El reinu de los cielos aseméyase á un home rei, que fexo les bodes del so fiu.
3Y unvió sos criáos á llamar los convidáos á les bodes, mas istos non quixeron dir.
4Tomó á unviar utros criáos, mandándoyos dicer á los convidáos: Tengo ya aviáa la comía, fexe matar les fenoyes y utros animales cebáos, y tóo ’stá aperiáo: veníi á les bodes.
5Mas illos non fexeron casu: sinon q’ el un coló pa la so quinta, y lʼ utru á lo’ sos faceres:
6Los demás agarraron á los criáos, y dempués d’ ensandecélos, matáronlos.
7Desque lo sepo ’l rei, enritóse: y unviando sos tropes, peracabó con aquellos asesinos, y amburó so ciodá.
8Entós dixo á sos criáos: Les coses pa les bodes están aperiáes, mas los convidáos non merecín venir á illes:
9Dii pe’ lo mesmo á les boques de los caminos, y convidái á les bodes á cuantos afalléis.
10Colaron nel intre los criáos á los caminos, y allugaron cuantos afallaron lo mesmo malos que bonos: per manera que les meses de la boda ’staben apetiguñáes de xente.
11Vieno ver dempués el rei los convidáos, y arreparó á un home que non diba vestíu co’ la ropa de boda.
12Y díxoi: Amigu, ¿como te ’smuciste aquí en sin el vestíu de boda? Pero elli non gurgutó palabra.
13Entós dixo ’l rei á lo’ sos ministriles de xosticia: Amarráu de piés y manes, empovináilu nes tiniebles d’ afora: ú non habrá mas que llantu, y ruquíu de dientes.
14Tanta verdá ye que son munchos los llamáos, y pocos los escoyíos.
15Entós los fariseos esnidiáronse d’ allí pa pescudar ente sí como podrín atrapálu en dalguna cosa que falás.
16 Y al efetu unviaron-i sos descípulos con dalgunos herodianos, que i dixeron: A Maestru, sabemos que dices les verdáes, y q’ ensiñes el camin ó la llei de Dios segun la verdá pura, sin que te dé mas per naide: porque tu non faes casu del calter de les persones:
17Agora bien, dímos que te paréz d’ isto: ¿Ello ye ó non ye llícito á lo’ xudíos, pueblu de Dios, pagar tributu al César?
18Conociendo Xesús so picardía, arrespuendió: ¿Por qué me tientáis, falseros?
19Dá ’cá una monéa de les del censu. Illos entós ufrieron-i un dineru.
20Y díxoyos Xesús: ¿De quién ye aquista imáxen, y aquisti ’scritu?
21Arrespuendieron-i: Del César. Entós arreplicóyos: Pos dái al César lo que ye del César, y a Dios lo que ye de Dios.
22Y al oyélo quedaron ablucáos, y dexándolu ’smuciéronse.
23Nel mesmu dia vinieron lo’ saduceos, que neguen la resurecion, y entrugaron-i:
24A Maestru, disponxo Moisés que si muerre dalgun sin fios, se xuna ’l so hermanu co’ la so muyer, pa dexar raza al so hermanu.
25Pos bien: vivín siete hermanos metanes de nosotros. Xuníu ’l primeru, morrió, y como non tuviés fios, dexó la muyer al so hermanu.
26Acaeció lo mesmo al segundu, y al terceru, fasta ’l sétimu.
27Y á la postre morrió tamien la muyer.
28El casu ye isti, cuando resusciten, ¿de quién d’ illos ha ser la muyer, si fo de tóos?
29A isto arrespuendióyos Xesús: Muncho disparatáis, per non entender les Escritures, nin el poderíu de Dios.
30Pos dempués de la resurecion nin los homes ternán muveres, nin les muyeres ternán homes: sinon q’ han ser lo mesmo que los anxelinos de Dios nel cielu.
31Mas tocante á la resurecion de los mortos ¿non leyesteis lo que vos dixo Dios:
32Yo só ’l Dios d’ Abran, el Dios d’ Isá, y ’l Dios de Xacó? Pos Dios non ye Dios de mortos, sinon de vivos.
33Y desque lo oyó la xente, quedó atochecía con so dotrina.
34Pero los fariseos, sabiendo q’ habia tapáo la boca á lo’ saduceos, ponxéronse de mancomun:
35Y un d’ illos, dotor de la llei, entrugói, náa mas que pa tientálu:
36A Maestru, ¿cuál ye ’l mandamientu meyor de la llei?
37Arrespuendiói Xesús: Amarás al Señor to Dios con tóu to corazon, y con tóa to alma, y con tóes tos mientes.
38Aquisti ye ’l mandamientu meyor y ’l primeru.
39El segundu aseméyase á isti, y ye: Amarás á to próximu como á te mesmu.
40’N istos dos mandamientos está la sostancia tóa de la llei y los profetas.
41Y ’stando aquí axuntáos los fariseos, entrugóyos Xesús:
42¿Que vos paréz á vosotros del Cristu ó Mesíes? ¿de quién ye fiu? Dicin-i: de Daví.
43Arreplicóyos: ¿Entós como Daví en espritu de profeta lu llama so Señor, cuando diz:
44Dixo ’l Señor á mió Señor: Asiéntate á mió derecha, dun yo pono á tos enemigos per sitial de los tos piés?
45Pos si Daví lu llama so Señor, ¿como dicís que ye so fiu?
46Y naide fo capaz d’ arrespuendéi palabra: nin de magar acaeció isto s’atrevió dalgun á entrugái mas coses.
SAN MATEU 23
1ENTÓS falando Xesús á le’ xentes, y á sos descípulos,
2Díxoyos: Los escribas ó dolores de la llei y los fariseos asiéntense nel pólpitu de Moisés.
3Guardaí, y fei tóo lo que vos dixeren: pero non fagáis lo q’ illos facen: porque dicen lo que se debe fer; pero illos non lo facen.
4Y la cosa ye que van atando cargues pesáes, y non llevaeres, y encáxenles so los costazos d’ utros; pero illos non quieren nin arrimar la puntu d’ un déu pa meneáles.
5Facen tóes les coses pa que los vean los homes: y per iso lleven les palábres de la llei no’ sos llistones, y agranden les guirindoles del vestíu.
6Gústenyos tamien los primeros escaños en ’es comíes, y los primeros pólpitos ne’ sinagogues,
7Y que yos fagan acatamientu na plaza, y que los homes los llamen maestros ó dolores.
8Non siáis ansina vosotros: non queriáis que vos llamen maestros: porque ye unu náa mas vuestru Maestru, y vosotros sois tóos hermanos.
9Non vos avecéís tampoco á llamar á naide so la tierra pá vuestru: porque ye unu náa mas vuestru Pá verdaderu, q’ está nos cielos.
10Nin vos guste que vos llamen maestros: porque Cristu náa mas ye vuestru Maestru.
11 Al fin y al cabu, el mayor de vosotros ha ser vuestru criáu.
12Que quien s’ irguiere, abaxaránlu: y quien s’ abaxare, irguiránlu.
13Pero ¡ai probes de vosotros escribas y fariseos falsarios! que ciarráis el reinu de los cielos á los homes: porque nin vosotros intráis, nin dexáis intrar á los q’intrarín faciendo que non crean en min.
14¡Ai probes de vosotros escribas y fariseos falsarios! q’ esfarrapáis les cases de les viudes, so la capa de fer llongues oraciones: per iso arrecibiréis un xuíciu muncho mas rigurosu.
15¡Ai probes de vosotros escribas y fariseos falsarios! porq’ andáis dando vueltes pe’ la mar y pe’ la tierra, pa convertir un xentil: y desque lu convertís, feislu con vuestru exemplu y dotrina dinu del infiernu dos veces mas que vosotros.
16¡Ai probes de vosotros guies ó mayorales ciegos! que dicís: El xurar pel templu non val náa, non obliga: mas quien xura pel oru del templu, ’stá obligáu.
17¡Necios y ciegos! ¿qué ye lo que val mas, ’l oru, ó ’l templu, que fai santu ’l oru?
18Y si dalgun (dicís) xura pe’ l’ altar, non da mas: mas quien xurare pe’ la ufierta que se pon so l’ altar, queda obligáu.
19¡Ciegos! ¿Qué val mas, la ufierta, ó l’ altar que fai santa la ufierta?
20Pe’ lo mesmo quienquiera que xura pe’ l’ altar, xura per illa, y pe’ les coses tóes que se ponen so illa.
21Y quien xura pel templu, xura per elli, y per aquel Señor que vive ’n elli.
22Y ’l que xura pel cielu, xura pel tronu de Dios, y per aquel q’ está ’sentáu ’n elli.
23¡Ai probes de vosotros escribas y fariseos falsarios! que dezmáis fasta la yerba bona, ’l eneldu, y ’l comin, y dexasteis les coses mas sostanciales de la llei, la xosticia, la misericordia y la bona fe. Istes coses debís fer, en sin dexar les utres.
24¡Ah guies ciegos! que coláis cuanto bebéis, por si hai dalgun mosquitu, y tragáisvos un camellu.
25¡Ai probes de vosotros escribas y fariseos falsarios! que llimpiáis el vasu y ’l platu per d’ afora; y per adientro nel corazon estáis atestáos de rapíñes, y de porquerís.
26¡Fariseu ciegu! llimpia aína ’l vasu y ’l platu per adientro, si quies q’ esté fresco lo d’ afora.
27¡Ai probes de vosotros escribas y fariseos falsarios! porque vos asemeyáis á le’ sepultures blanquiáes, que per d’ afora aparenten guapes á los homes, mas per adientro ’stán atestáes de güesos de mortos, y de tóa castra de porquería.
28Lo mesmo vosotros pe’ la facha aparentáis xustos á los homes: mas per adientro ’stáis verbenando falsía, y maldá.
29¡Ai de vosotros escribas y fariseos falsarios! que facéis le’ sepultures de los profetas, y aguapáis los monumentos de lo’ xustos,
30Y dicís: Como nosotros hubiéramos vivío nel tiempu de nuestros padres, empardiezes que non yos hubiéramos ayudáo á matar los profetas.
31Con lo que venís á dicer vosotros mesmos, que sois fios de los que mataron á los profetas.
32Llenái d’ una vez la medía de vuestros padres, fiendo morrer al Mesíes.
33¡Cuélebres, castra de víbores! ¿como ye posible que vos esmuzáis del fuebu del infiernu?
34Porque yo voi unviávos profetas, y sabios, y escribas, y á dellos vais cortáyos la cabeza, y á utros vais fitálos en cruces, á utros azotálos nes vuestre’sinagogues, y persiguílos de ciodá en ciodá:
35Pa que caya so vosotros tóa la sangre inocente vertía so la tierra, dende la sangre del xustu Abel fasta la sangre de Zacaríes, el fiu de Baraquíes, á quien fexesteis morrer metanes del templu y de l’ altar.
36Miániques vos digo, que tóes istes coses vernán á cayer so aquista mesma xeneracion.
37¡Xerusalen! ¡Xerusalen! que mates los profetas, y apiedres á ’quellos que son unviáos á ti, ¿cuántes veces quixe atropar á tos fios, como la gallina ’tropa á lo’ sos pitinos so les ales, y non quixiste?
38Pos vei agora, que vuestra casa va quedar fecha un ermu.
39Y ansina dígovos: ya lluego non me veréis mas, fasta que conociéndome per Mesíes digáis: Benditu sia ’l que vien nel nome del Señor.
SAN MATEU 24
1DESQUE salió Xesús del templu, diba ya andando, cuando se i arrimaron sos descípulos, pa felu arreparar en ’os llabores del templu.
2Pero díxoyos elli: ¿Veis tóo iso? Pos dígovos de cierto, que non ha quedar aquí piedra so piedra.
3Y ’stando dempués asentáu nel monticu de los Ollivos, allugáronse dellos de los descípulos y entrugaron-i pasiquin: ¿Dímos, cuándo ha ser iso? ¿y cuála será la siñal de to venía, y del fin del mundu?
4Y arrespuendióyos Xesús: Cuidáu que non vos enfalle naide.
5Porq’ han venir munchos en mió nome, diciendo: Yo só ’l Cristu ó Mesíes: y han enfallar á muncha xente.
6Oyeréis ansinamesmo ruxir muncho de batalles, y de barruntos de guerres. Non hai q’ alloriáse per iso: que si bien ye verdá q’ han acaecer aína istes coses, non ye ’ntovía isti ’l cabu.
7Tamien ye verdá que s’ irguirá xente contra xente, y un reinu contra utru reinu, y q’ habrá pestes, y fames, y que dayure bamboliará la tierra.
8Pero tóo isto ye náa mas que ’l escomienzu de les llaceries.
9Entós entregaránvos á lo’ xueces pa que vos atormenten, y faránvos morrer: y non vos podrá ver naide per morde del mió nome o per ser míos descípulos.
10Y con isto escandalizaránse munchos, y andarán con falsíes unos pa utros, y non se podrán ver.
11Irguiránse tamien munchos profetas falseros q’ enfallarán muncha xente.
12Y pe’ lo abondo de la maldá, ha esfreceráse la caridá de munchos.
13Mas el q’ aguantás fasta la postre, isi salvaráse.
14Entanto pedricaráse isti evanxeliu del reinu de Dios per tóu ’l mundu, en testimoniu pa tóes le’ xentes: y entós verná ’l fin.
15Segun iso, cuando aportéis á ver que se ponxo nel llugar santu la maldá asoladora que dixo ya Daniel el profeta (el que lea isto, cálelo bien):
16Entós los que viven en Xudea, fuxan pa los montes;
17Y ’l q’ está nel techu, non amiye coyer daqué de so casa;
18Y ’l que nes eres, non torne buscar la ropa.
19¡Pero ai probes de les preñáes y de les q’ estén criando y non pueden fuxir á gálmios ’n aquellos dis!
20Pedí pe’ lo mesmo á Dios que non vos toque fuxir nel inviernu o en sabadu en que se puede andar poco:
21Porq’ ha ser tan tremendu ’l alloriamientu d’ entós, que non hebo utru parecíu de magar hai mundu fasta ’gora, nin enxamás lu habrá.
22Y á non acortáse aquellos dis, non se salvaria dengun; pero han acortáse per morde de los escoyios.
23Si ’n isti tiempu vos dixere dalgun: El Cristu o Mesíes está ’quí ó allí, non lu criáis.
24Porq’ han irguíse cristos y profetas falseros, y han fer grandes maravíes y prodixos; per manera q’ enfallarín fasta los mesmos escoyios (si fora posible).
25Ya veis que vos lo digo-d’ antemano.
26Ansina anque vos digan: Mirái q’ el Mesíes está nel ermu, non vayáis allá; ó bien: Mirai q’está ’scondíu en casa, non lo criáis.
27Porque lo mesmo q’ el rellumu sal del oriente, y se dexa ver nel intre fasta ’l ocidente, ansina ha ser la venía del Fiu del home.
28Y á ú quiera q’ estuviere ’l cuerpu, allí mesmo s’ apetiguñarán les águiles.
29Pero lluego dempués del alloriamientu d’ aquellos dis, ha ’tapecése ’l sol, non allumará la lluna, han escorrése les estrelles del cielu, y les virtúes ó los ánxeles de los cielos tiemblarán:
30Entós asomará nel cielu la siñal del Fiu del home, y al véla plañirán tóes le’ xentes de la tierra: y verán al Fiu del home amiyar so les nubes resplandorientes del cielu con munchu poderíu, y maxestá.
31Y unviará sos ánxeles, que col chirríu d’ una trompeta y una voz mui grande allugarán lo’ sos escoyíos de les cuatro partes del mundu, d’ un cabu al utru cabu del cielu.
32Adeprendéi de la figal ista comparanza: cuando tien ya tenres les rames, y retueyen les fueyes, conocéis q’ el veranu ’stá ya cerquillina:
33Pos lo mesmo vosotros, cuando viereis istes coses tóes, tenéi per cierto q’ el Fiu del home ’stá ya si llega ó non llega, q’ está ya cuasi á la porta.
34Lo que sí vos aseguro ye que non ha pasar aquista xeneracion, en sin q’ acaeza tóo isto.
35Colarán los cielos y la tierra, pero les miós palabres non fallarán.
36Mas en cuanto al dia y á la gora naide lo sabe, nin siquiera los ánxeles del cielu, sinon mió Pá náa mas.
37Na venía del Fiu del home ha soceder lo mesmo que nos dis de Noé:
38Porq’ ansina como nos dis aquellos ante ’l dilluviu siguín los homes xintando y bebiendo, xuniéndose y apalabrándose, fasta ’l dia mesmu en que Noé se ’nfiló nel arca,
39Y nin pe’ les mientes yos dió xamás tal dilluviu fasta que lu tenín enriba, y los arrabañó á tóos: ansinamesmo socederá na venía del Fiu del home.
40’N aquel entós de dos homes q’ estarán xuntos na era, agarrarán o llibrarán ’l un, y dexarán o abandonarán ’l utru:
41Estarán dos muyeres moliendo ’n un molin: y agarrarán o salvrán l’ una, y dexarán o perecerá l’ utra.
42Estáivos sollertes vosotros pe’ lo mesmo, pos non sabéis á qué gora verná vuestru Señor.
43Tenéi per cierto, que si un padre de families supiés á qué gora lu habia asaltar el lladron, miániques q’ estaria á la ’tisba, y non dexaria minái la casa.
44Pos lo mesmo vosotros debéis estar sollertes: porq’ á la gora menos pensáa, verná ’l Fiu del home.
45¿Quién cuidéis que ye ’l siervu fiel, y prudente, á quien so Señor ponxo so la so reciella, pa repartir á cad’ un la vianda á so tiempu?
46Bienaventuráu aquel siervu, á quien afallare so Señor fiéndolo ansina, cuando viniés:
47Dígovos miániques, que lu porná so tóa la so facienda.
48Pero s’isti siervu fora malu, y afalucare ’n so corazon: El mió amu non vien tan ceo:
49Y con isto entamáse á cutir á los criáos sos eguales, y á xintar y beber co’ los borrachos:
50Verná ’l amu d’ isti siervu nel dia que ’l non cúida, y á la gora menos pensáa:
51Y unviarálu noramala, y empovinarálu al par de los falseros o siervos malos: allí será ’l llantu y ’l ruquíu de dientes.
SAN MATEU 25
1ENTÓS el reinu de los cielos asemeyaráse á diez vírxines: q’ agarrando le’ sos llámpares, salieron al encuentru del esposu y de la ’sposa.
2D’ illes, les cinco yeren fates, y les utres cinco mui miráes ó prudentes:
3Pero les cinco fates, al coyer les llámpares, escaecióseyos ’l aceite.
4Mas les prudentes al empar de les llámpares coyeron ’l aceite ne’ sos aceiteres.
5Como ’l esposu se fexés dalgo ronceru en venir, entamó a dayos el pigazu, y á la postre quedaron adormecíes.
6Mas desque vieno la media noche aportóse á oyer una voz que gritaba: Mirái que vien ’l esposu, salíi al camin.
7Nel intre s’ irguieron tóes aquelles vírxines, y aperiaron sos llámpares.
8Entós les fates dixeron á les prudentes: Dá ’cá un poco del vuestru aceite: porque nos muerren les nuestres llámpares.
9Arrespuendieron les prudentes, diciendo: Non sia q’ isti que truximos non algame pa nosotros y pa vosotros, meyor ye que vayáis á los que lu vienden, y lu compréis.
10Mas dun illes colaben comprálu, vieno ’l esposu, y les q’ estaben aviáes, enxaretáronse con élli nes bodes, y ciarraron la porta.
11Vinieron á la postre les utres vírxines tamien, diciendo: Señor, Señor, ábremos.
12Pero elli arrespuendiói y dixo: Miániques vos digo que non vos conozo.
13Estái sollertes vosotros pe’ lo mesmo, ya que non sabéis nin el dia, nin la gora.
14Porque ’l Señor fará lo mesmo q’ un home que colando pa tierres mui lloñes, llamé á sos criáos, y dióyos lo’ sos bienes,
15Al un cinco talentos, á utru dos, y al utru náa mas q’ unu, á cad’ un segun so calter, y fose nel intre.
16El q’ arrecibió cinco talentos fo, y negociando con illos, agananció utros cinco.
17Del mesmu móu, aquel q’ habia arrecibío dos, agananció utros dos.
18Mas el q’ arrecibió un, fose, fozó na tierra, y ’scondió ’l dineru de so señor.
19Allá dempués de munchu tiempu tornó á venir ’l amu d’ aquistos criáos, y llamólos á dar cuentes.
20Y allugándose ’l q’ habia arrecibío cinco talentos, ufriói utros cinco, diciendo: Señor, tu dístime cinco talentos, cata ’quí utros cinco mas, q’ agananció con illos.
21Arrespuendiói so amu: Guapamente, criáu bonu ó llistu, y fiel; porque fuisti fiel no poco, teno ponéte so lo muncho: intra folgáte al empar de to señor.
22Allugóse ’n seguía ’l q’ habia arrecibío dos talentos, y dixo: Señor, tu dístime dos talentos, aquí te trayo utros dos, q’ agananció con illos.
23Díxoi so amu: Guapamente, criáu bonu y fiel; pos fuisti fiel nes coses pequeñes, teno ponéte so utres muncho mayores: intra folgáte al empar de to señor.
24Allugóse tamien el q’ habia arrecibío un talentu, y dixo: Señor, yo sé que yes un home de calter duru, que siegues ú non semaste, y atropes ú non espardisti:
25Y ansina, tiemblando perdélu, fui y escondí to talentu na tierra: aquí tienes lo que ye tuyo.
26Pero so amu, agarrándolu pe’ la palabra, arreplicói y dixo: ¡Ah criáu malu y galbaniegu! tu sabís que yo siego ú non semo, y atropo ú non espardí;
27Pos pe’ lo mesmo debís tu haber dáo ’l mió dineru á los traficantes, pa q’ al tomar yo arrecibiés mió caudal, y á mas á mas les ganancies.
28Y ansina, quitái ’l talentu, y dáilu al que tien diez talentos:
29Porq’ al que tien, ha dásei, y terná abondo: mas al que non tien, fasta ’quello que paréz que tien se i ha quitar.
30Agora bien, á isi criáu que non val pa náa empovináilu nes tiniebles d’ afora: allí será ’l llantu y ’l ruquíu de dientes.
31Ansinamesmo cuando vénia ’l Fiu del home con tóu so arrullu, y tóos sos ánxeles al empar, asentarase entós nel tronu de so gloria:
32Y allugará delantre de sí tóes le’ xentes, y estremará los unos de los utros, lo mesmo que ’l pastor estrema les oveyes de los cabritos:
33Poniendo les oveyes á la so derecha, y los cabritos á la izquierda.
34Entós el rei dirá á los q’ estarán á la so derecha: Veníi benditos de mió Pá, intrái nel reinu, que ya ’stá ’periáu pa vosotros de magar hai mundu.
35Porque yo tevi fame, y diésteisme de xintar: alampaba de sede, y diésteisme de beber: yera güéspede, y diésteisme posáa:
36Estaba esgarrapetáu, y atropásteisme: malu, y fosteis veme: presu, y veniesteis consolame.
37Entós arrespuenderán lo’ xustos, diciendo: Pero Señor, ¿cuando te viemos nosotros famientu, y te diemos de xintar: alampando de sede, y te diemos de beber?
38¿Cuándo te viemos güéspede, y te diemos posáa: esgarrapetáu, y t’ atropámos?
39Ó ¿cuándo te viemos malu, ó presu, y te fomos ver?
40Y arrespuenderáyos el rei: Miániques vos digo, que tóes les veces que lo fexesteis con dalgun d’ istos miós hermanos piquirisquinos, comigo lo fexesteis.
41Al mesmu tiempu dirá á los q’ estarán á la izquierda: Diivos lloñe de min, malditos, pal fuebu eternu, que fo aperiáu pal diablu, y sos ánxeles ó ministriles:
42Porque tevi fame, y non me diesteis de xintar: alampaba de sede, y non me diesteis de beber:
43Yera güéspede, y non me diesteis posáa: estaba esgarrapetáu, y non m’ atropasteis: malu y presu, y non fosteis veme.
44Y entós aldiricarán-i los malos! Pero, Señor, ¿cuándo te viemos esfamiáu, ó alampando de sede, ó güéspede, ó esgarrapetáu, ó malu, ó presu, y dexámos de mirar per ti?
45Entós arreplicaráyos elli: Miániques vos digo, que tóes les veces que dexasteis de felo con dalgun d’ istos miós hermanos piquiñinos, dexasteis de felo co’ me mesmu.
46Y ansina istos dirán pal tormentu eternu, y lo’ xustos pa la vida eterna.
SAN MATEU 26
1Y CON isto, desque Xesús peracabó istes plátigues, dixo á lo’ sos descípulos:
2Bien sabéis que d’ aquí á dos dis tien que fese la pascua, y q’ el Fiu del home ha ser entregáu pa que lu fiten ’n una cruz.
3Al mesmu tiempu axuntáronse los príncepes de lo’ sacerdotes, y lo’ xueces del pueblu, na corráa del príncepe de lo’ sacerdotes, que llamaben de nome Caifás:
4Y fexeron un conceyu pa pescudar dalguna artimaña pa garrar á Xesús, y felu morrer.
5Y atarrecínlo dalgo per morde del pueblu, pos dicín: Non convién felo nel dia la fiesta, non sia q’ haya dalgun alborotu.
6Estando Xesús en Betania, en casa de Simon el lleprosu,
7Arrimóse á elli una muyer que tria un vasu d’ allabastru d’ ungüentu mui ricu, y varciólu so la cabeza de Xesús, q’ estaba asentáu na mesa.
8 Dellos de los descípulos al vélo, dixeron mui enritáos: ¡Vá, vá, col desperdiciu!
9¿Pos non se pudo vender isto bien caro, y dalo á los probes?
10Desque lo sepo Xesús, díxoyos: ¿Q’ andáis encomodando á ista muyer, y mannurando de lo que fai? Fexo bien en fer isto comigo,
11Pos á los probes tenéislos á la mano dayure; mas á min non m’ hais tener siempre.
12Y varciando illa so ’l mió cuerpu aquisti unguentu, féxolo pa ’periar d’ antemano mió sepultura.
13Dígovos miániques, q’ ó quiera se pedrique isti evanxeliu, q’ ha selo per tóu ’l mundu, falaráse ’n so lloa isto q’ acaba de fer.
14Entós Xúes Iscariote, un de los doce, fo avistáse co’ los príncepes de lo’ sacerdotes, y díxoyos:
15¿Cuánto me dais, y yo vos lu porné nes manes? Y arregláronse ’n trenta monées de plata.
16Y de magar fo isto andaba pescudando móu d’entregáyoslu.
17Estaba enriba ’l dia primeru de los ázimos, y acurriéronse los descípulos á Xesús y entrugaron-i: Á ú quies que t’ aviemos la cena de la pascua?
18Y arrespuendióyos Xesús: Colái pa la ciodá á la casa de fulanu, y dai isti recáu: El Maestru diz: El mió tiempu ’stá cerquillina, voi fer la pascua en to casa al par de miós descípulos.
19Como yos lo dixo, ansina lo fexeron, y aviaron lo necesario pa la pascua.
20Allá á la tardica, pónxose á la mesa co’ lo’ sos descípulos.
21Y estando ya comiendo, dixo: Miániques vos digo q’ un de vosotros ha feme una traidoráa.
22Illos tóos, peraflixíos, entamaron á entrugái un tras d’ utru: A Señor, ¿só yo quiciáis?
23Y elli dióyos pe’ rempuesta: El que mete comigo so mano nel platu pa moyar el pan, isi ye ’l traidor.
24Ye verdá que ’l Fiu del home cuela segun está ’scrito d’ elli; pero ¡ai probe del home, por quien el Fiu del home sia entregáu: meyor i fora ’l non haber xamás nacío!
25Y tomando la palabra Xúes, que yera ’l que lu vendia, dixo: ¿Só yo quiciáis, Maestru? Y arrespuendiói Xesús: Tu lo dixisti, tu yes.
26Y ’stando cenando, agarró Xesús el pan, y bendíxolu, y ’spedazólu, y dióyoslu á los descípulos, diciendo: Tomái, y coméi: isti ye ’l mió cuerpu.
27Y agarrando ’l cáliz dió gracies, bendíxolu, y dióyoslu, diciendo: Bebéi tóos d’ elli.
28Porq’ ista ye la mió sangre, que será ’l sellu del nuevu testamentu, la q’ ha ser varciáa per morde de munchos pa remision de los pecáos.
29Y dígovos que ya non cataré mas dende agora d’ isti frutu de vide, fasta ’l dia que beba con vosotros al empar del cáliz nuevu de gloria nel reinu de mió Pá.
30Y desque dixeron el hinu de dar gracies, entamaron pal monticu de los Ollivos.
31Entós dizyos Xesús: Hais escandalizávos tóos vosotros ’n ista noche per morde de min y hais dexáme solu. Porq’ está ’scrito. Cutiré al pastor, y esparramaránse les oveyes del rabañu.
32Mas en resuscitando diré delantre de vosotros á Galilea, á ú tornaré á xuntávos.
33Pedru arrespuendiendo, dixo: Anque tóos se ’scandalizaren per morde de ti, nunca enxamás me ’scandalizaré yo nin te dexaré solu.
34Arreplicói Xesús: Pos miániques t’ aseguro, que ’n ista mesma noche antes que ’l gallu cante, m’ has negar tres veces.
35A lo que arrespuendió Pedru: Anque sepia morrer contigo, non te negaré yo. Y lo mesmo dixeron tóos los descípulos.
36Entanto llegó Xesús con illos á un caseríu llamáu Xesmaní, y díxoyos: Asentáivos aquí, dun vo yo allí, y fago oracion.
37Y llevando al empar á Pedru y a entrambos fios del Zebedeu Xacobu y Xuan, comenzó á ’señardáse y aflixíse.
38Y díxoyos entós: La mió alma padéz angusties de morte: estáivos aquí quietos, y vixilái co’ mió.
39Y dando dalgunos ablagos, pónxose boca ’baxo, fiendo oracion, y diciendo: Padre miúyu, si ye posible, non me fagas beber aquisti cáliz: pero que non sia lo que yo quiero, sinon lo que tu.
40Dempués tornó pa sos descípulos, y afallólos adormecíos, y dixo á Pedru: ¿Nin siquiera podiesteis vixilar co’ mió una gora?
41Estái sollertes, y orái pa non cayer na tientacion. Pos si ye verdá que ’l espritu ’stá llistu, la carne ’stá galbaniega.
42Coló per segunda vez, y fexo oracion diciendo: Padre miúyu, s’ isti cáliz non puede colar sin que yo lu beba, fágase to voluntá.
43Y vieno otra vez, y afallólos dormiendo: por que tenín cargazon en ’os güeyos.
44Y dexándolos, aseparóse fer oracion otra vez, diciendo les mesmes palabres.
45En seguía tornó pa los descípulos, y díxoyos: Dormíi ya y descansái: vei aquí que ya vieno la gora, y ’l Fiu del home va ser entregáu nes manes de los pecadores.
46 Ea, irguíivos, vámonos d’ aquí: ya s’ acirca ’l que m’ ha entregar.
47Estaba falando entovía, cuando vieno Xúes, un de los doce, al empar d’ una caterva de xente con sables y palos, que venín echáos pe’ los príncepes de lo’ sacerdotes, y xueces del pueblu.
48El traidor habíayos dáo ista siñal: Al que yo diés un besu, aquisi ye, sofitáilu.
49Y allugándose nel intre á Xesús, dixo: Dios te guarde, Maestru. Y besólu.
50Y díxoi Xesús: ¿A qué vinisti, amigu? Acircáronse entós los utros, y echaron mano á Xesús, y sofitáronlu.
51Y cata ’quí q’ un de los q’ estaben con Xesús, echó la mano al so sable, y arreflundiendo una cochelláa á un criáu del príncepe de lo’ sacerdotes, fradói una oreya.
52Entós díxoi Xesús: Torna ’l sable á so llugar: porque tóos los q’ echaren mano al sable per sí y ante sí, han morrer d’ una sabláa.
53¿Cúides quiciáis que non puedo yo acudir á mió Pá, y nel intre porná al mió mandu doce reximientos d’ ánxeles y mas entovía?
54Pero entós ¿como s’ han complir les Escritures, que dicin que convién soceda ansina?
55’N aquella gora dixo Xesús á ’quel verbeneru de xente: Veniesteis á prendéme con sables y palos como si fues un lladron ó asesinu: de contino ’staba sentáu metanes de vosotros ensiñándovos nel templu, y nunca me prendiesteis.
56Verdá ye q’ acaeció tóo aquisto pa que se compliesen les Escritures de los profetas. Entós tóos los descípulos lu dexaron solu, y fuxeron.
57Mas los que sofitaron á Xesús, afaláronlu pa ’n casa de Caifás, que yera ogaño príncepe de lo’ sacerdotes, ú ’staben axuntáos los Escribas y lo’ xueces.
58Y Pedru diba siguiéndoi la pista de lloñe, fasta que vieno al palaciu del príncepe de lo’ sacerdotes. Y desque se ’smució dientro, pónxose sentáu al par de los ministriles, pa ver el paraeru de tóo isto.
59Los príncepes de lo’ sacerdotes, y ’l conceyu tóu andaben pescudando dalgun falsu testimoniu contra Xesús, pa felu morrer:
60Y non daben con elli: y eso que s’ axuntaron una brañáa de testigos falsos. Al fiu y al cabu vinieron un par d’ illos,
61Y dixeron: Aquisti dixo: Puedo yo bastiar el templu de Dios, y felu utra vez en tres dis.
62Entós irguiéndose ’l príncepe de lo’ sacerdotes, díxoi: ¿Non arrespuendes náa á isto que dicin contra ti?
63Pero Xesús non gurgutaba palabra. Y díxoi ’l príncepe de lo’ sacerdotes: Conxúrote de parte de Dios vivu, que mos digas si yes tu ’l Cristu o Mesíes el Fiu de Dios.
64Arrespuendiói Xesús: Tu lo dixisti yo só: y tamien vos digo q’ hais ver dempués á isti Fiu del home que tenéis delantre sentáu á la derecha de la maxestá de Dios amiyar so les nubes del cielu.
65A ista rempuesta, el príncepe de lo’ sacerdotes esñizó tóu ’l so vestíu, diciendo: Blasfemó: ¿qué menester tenemos ya de testigos? vosotros mesmos acabáis d’ oyer la blasfema con que se fai fiu de Dios:
66¿Qué vos paréz? Y arrespuendieron illos: Reu ye de morte.
67Entós entamaron á cuspílu na cara, y á solemnái puñáes, y utros dempués de tapái los güeyos cruñínlu á palmetáes,
68Diciendo: A Cristu, adivínamos, ¿quién ye ’l que te cutió?
69En isto Pedru ’staba asentáu fora na corráa, y arrimándose á elli una criáa, díxoi: Tamien tu andabes con Xesús el Galileu.
70Pero elli nególo delantre de tóos, diciendo: Non sé qué fales.
71Y desque se fo esnidiando pal porticu, atisbólu utra criáa, y dixo á los q’ estaben per allí: Isti tamien estaba con Xesús Nazarenu.
72Y negó segunda vez diciendo con xuramentu: Non conozo á isi home.
73Un poquiñin dempués allugáronse los q’ andaben per allí, y dixeron á Pedru: Miániques que tamien tu yes d’ illos: porq’ el mesmu dícere tuyu de Galileu te ’stá descubriendo.
74Entós entamó á encomendar y á xurar que non conocia á tal home. Y nel intre cantó ’l gallu.
75Y con isto acordóse Pedru de les palabres que i dixera Xesús: Has renegar de min tres veces, antes que cante ’l gallu. Y ’smuciéndose fora, lloró en sin consuelu.
SAN MATEU 27
1ALLÁ á la mañanica, tóos los príncepes de lo’ sacerdotes y lo’ xueces del pueblu tuvieron conceyu contra Xesús, pa felu morrer.
2Y declarándolu reu de morte, lleváronlu amarráu, y entregáronlu al rexidor ó presidente Ponciu Pilatu.
3Entós Xúes, el que lu habia vendío, viendo á Xesús condenáu, peraburríu co’ la so fechoría, restituyó les trenta monées de plata á los príncepes de lo’ sacerdotes, y á lo’ xueces,
4Diciendo: Pequé, vendiendo la sangre del xustu. Y dixeron-i illos. ¿Qué mas nos da á nosotros? allá tu.
5Mas elli tirando ’l dineru nel templu, fo, y echándose un ñudu al pescuezu, aforcóse desesperáu.
6Pero los príncepes de lo’ sacerdotes, desq’ apañaron les monées, dixeron: Non podemos echáles nel tesoru del templu, siendo como son preciu de sangre.
7Y tratándolo ’n un conceyu, axustaron con illes el campu d’ un fareru, pa sepultures de los pelegrinos.
8Y per morde d’ isto llamóse aquel campu Hacéldama, quier dicer, campu de sangre, y ansina se llama ogaño.
9Co’ lo que vieno á compliése lo que dixo ’l profeta Xeremíes, que diz: Coyeron les trenta monées de plata preciu del puestu en venta, segun fo tasáu pe’ los fios d’ Israel:
10Y empleáronles en la compra del campu d’ un fareru, como me lo disponxo ’l Señor.
11Desque Xesús estevo delantre del rexidor, entrugói isti, diciendo: ¿Yes tu ’l rei de lo’ xudíos? Arrespuendiói Xesús: Tu lo dicis: sólo.
12Y por mas que lu acusaben los príncepes de lo’ sacerdotes, y lo’ xueces, non gurgutó náa.
13Entós díxoi Pilatu: ¿Ello non oyes cuánto dicin contra ti?
14Pero elli non i gurgutó tampoco á náa; ansina ye que ’l rexidor estaba perplasmáu.
15Tenia ’l rexidor el vezu de soltáyos el dia de la fiesta de la pascua un de los presos, el que quixesen:
16Y teniendo á la sazon en ’a cárcel un mui ruxíu, llamáu Barrabás,
17Entrugó Pilatu á los que s’ habín axuntáo: ¿Ello á quién queréis que vos suelte, á Barrabás, ó á Xesús, que llamen Cristu ó Mesíes?
18Pos sabia que i lu habín entregáo los príncepes de lo’ sacerdotes d’ envidia.
19Y ’stando elli empastranáu en so tribunal, unviói á dicer la so muyer: Non te metas en ’es coses d’ isi xustu: pos per morde d’ elli padecí hoi en sueños mil congoxes.
20Entanto los príncepes de lo’ sacerdotes, y lo’ xueces azuzaron al pueblu pa que pidiés la llibertá de Barrabás, y la morte de Xesús.
21Ansina ye q’ entrugándoyos el rexidor utra vez, y diciendo: ¿A quién queréis que vos suelte d’ entrambos? arrespuendieron illos: A Barrabás.
22Arreplicóyos Pilatu: ¿Entós qué tengo fer de Xesús, llamáu Cristu?
23Dicin tóos: Sia crucificáu. Y ’l rexidor: Pero ¿qué mal fexo? Mas illos entamaron á gritar mas alto diciendo: Sia crucificáu.
24Co’ lo que viendo Pilatu que non adelantaba náa, sinon qu’ al contra arreciaba mas el barullu, desque mandó trei agua, llavó les manes delantre del pueblu, diciendo: Yo per mi parte só inocente de la sangre d’isti xustu: allá vos componáis.
25Y arrespuendiendo tóu ’l pueblu, dixo: Caya so sangre so nosotros, y so los nuestros fios.
26Entós soltóyos á Barrabás: y á Xesús, desque fexo azotálu, pónxolu ne’ sos manes, pa que fos crucificáu.
27En seguía la soldaesca del rexidor, agarrando á Xesús v poniéndolu na corráa del pretoriu ó palaciu de Pilatu, allugaron al redor d’ elli la cohorte ó compañía tóa entera:
28Y desvistiéndolu, atapáronlu con un manton de grana;
29Y enriestrando una corona de ’spines, ponxeron-ila so la cabeza, y una caña per cetru en so mano derecha. Y afincando ’l un xinoyu nel suelu, ensandecínlu, diciendo: Dios te guarde, rei de lo’ xudíos.
30Y cuspiéndolu, agarraben la caña, y cutín-i na cabeza.
31Y dempués que i fieron burla ansina, quitaron-i ’l manton, y desque i ponxeron otra vez lo’ sos vestíos, entamaron con elli pa crucificálu.
32Al esfiláse de la ciodá afallaron á un home cirenen, llamáu Simon, y angariáronlu pa q’ arrecostinás co’ la cruz de Xesús.
33Y desque vinieron al sitiu que llamen Gólgota, quier dicer, sitiu del calvariu ó de les calaveres,
34Dieron-i de beber vinu mezcláu con fiel. Mas elli, desque lu ’probó, non quixo bebélu.
35Dempués que lu crucificaron, repartieron ente sí la so ropa, echando á suertes, pa que se compliés la profecía que diz: Repartieron ente sí la mió ropa, y sortiaron el mió vestíu.
36Y asentándose cabu elli fin-i la guardia.
37Y ponxeron-i so la cabeza aquistes palabres que dicín per morde de qué lu habín condenáu: Isti ye Xesús el rei de lo’ xudíos.
38Tamien crucificaron dos lladrones al empar d’ elli: ’l un á la derecha, y ’l utru á la izquierda.
39Y los q’ esfilaben per allí blasfemábenlu y ensandecínlu meneando la cabeza, y diciendo:
40¡Vá vá! tu que basties el templu de Dios, y lu faes en tres dis, sálvate á te mesmu: si yes el fiu de Dios, amiya de la cruz.
41Y tamien los príncepes de lo’ sacerdotes, al empar con los escribas y lo’ xueces, lu ensandecín, diciendo:
42A utros salvólos, y á se mesmu non ye capáz de salváse: si ye ’l rei d’ Israel, amiye agora de la cruz, y crerémoslu entós:
43Estaba enfotáu en Dios: pos sí tanto lu quier, que lu llibre agora, ya q’ elli mesmu dicia: Yo só ’l fiu de Dios.
44Y lo mesmo i echaben en cara los lladrones q’ estaben crucificáos al so par.
45Mas dende la gora sesta fasta la gora de nona pónxose tóa la tierra fecha una ’scuridá.
46Y allá á la gora nona esclamó Xesús con una voz mui grande, diciendo: Eli, Eli, lamma sabacthani? quier dicer: Dios miúyu, Dios miúyu, ¿por qué me desamparaste?
47Y oyéndolo dellos de los q’ estaben per allí, dicín: Isti ’stá llamando á Elíes.
48Y corriendo nel intre un d’ illos agarró una ’sponxa, empapóla en avinagre, y desque la ponxo na punta d’ una verdasca, apurríaila pa que chupás.
49Los utros aldiricaben: Dexái, á ver si vien Elíes á llibrálu.
50Entós Xesús, clamando utra vez con una voz grande y clara, entregó so ’spritu.
51Y nel intre ’l velámen del templu se fisgó en dos pedazos d’ arriba a baxo, y la tierra tiembló, y escacháronse les piedres,
52Y abriéronse le’ sepultures, y resuscitaron los cuerpos de munchos santos, q’ habín muerto.
53Y escabulléndose de le’ sepultures dempués de la resurecion de Xesús, colaron pa la ciodá santa, y aparecieronse á munchos.
54Entanto ’l centurion y los q’ estaben con elli fiendo la guardia á Xesús, desque vieron el bamboleu de la tierra, y les coses q’ acaecín, quedaron perablucáos de miéu, y dicín: Miániques q’ isti yera Fiu de Dios.
55Estaben tamien per allí á lo lloñe munches muyeres, que s’ habín ensertáo con Xesús dende Galilea pa fei los menesteres:
56Y yeren d’ illes María Madalena y María madre de Xacobu y de Xosé, y la madre de los fios del Zebedeu.
57Y como fues ya sero, vieno un home ricu d’ Arimatea, llamáu Xosé, que yera tamien descípulu de Xesús.
58Isti tal allugóse á Pilatu, y pidiói ’l cuerpu de Xesús, y Pilatu mandó dáilu.
59Y Xosé, desque posó ’l cuerpu de Xesús de la cruz, engorropellólu ’n una sábana fresquillina,
60Y pónxolu ’n un sepulcru suyu fechu á picu ’n un peñascu, y que non s’ habia usáo entovía; y entornando una gran llábana, ciarró la porta del sepulcru, y fose.
61Estaben allí María Madalena, y la utra María, acurrucáes en frente del sepulcru.
62Al utru dia, que yera ’l de dempués del avíu del sábadu, ó ’l mesmu sábadu, axuntáronse delantre de Pilatu tóos los príncepes de lo’ sacerdotes y los fariseos,
63Diciendo: A Señor, non se mos escaeció q’ aquel enfallador, estando entovía en vida, dixo: A los tres dis resuscitaré.
64Manda pe’ lo mesmo que se faga guardia al sepulcru fasta ’l dia terceru: non sia quiciáis que vayan pe’ la noche sos descípulos, y lu furten, y ruxan per ente la xentuza: Resuscitó d’ ente los mortos: y sia ’quisti en gañu peyor que ’l utru primeru.
65Arrespuendió Pilatu: Ahí tenéis la guardia, dii, y ponéila como vos pareza.
66Con iso entamando pa ’llá, aseguraron bien el sepulcru, asiñalando la llábana, y poniendo guardies á la ’tisba.
SAN MATEU 28
1A VANZAÍCA ya la noche del sábadu, al riscar el primer dia de la semana o ’l domingu, vieno María Madalena, co’ la utra María al empar, á ver el sepulcru.
2A isti tiempu sintióse tiemblar non sé cuanto ’l suelu; porq’ amiyó del cielu un ánxel del Señor: y arrimándose al sepulcru arrequió la llábana, y asentóse enriba.
3La so cara resplandia com’ un rellumu, y tria una ropa blanquina lo mesmo que la ñeve.
4Y fo talu ’l miéu que i garraron los guardies, que quedaron amortecíos.
5Mas el ánxel, falando á les muyeres, díxoyos: Non vos apavuréis vosotros; que bien sé que venís en busca de Xesús, que fo crucificáu:
6Ya non está ’quí, porque resuscitó, segun vos dixo ya elli. Arrimáivos, y mirái ’l sitiu, á ú ʼstaba puestu ’l Señor.
7Y agora entamái nel intre á dicer á lo’ sos descípulos que resuscitó; y que va delantre de vosotros pa Galilea: allí lu veréis: ya vos lo advierto d’ antemano.
8Illes esfilaron nel intre del sepulcru atochecíes de miéu y de gozu al empar, y entamaron á galmios á dar la noticia á los descípulos.
9Y en isto salióyos al camin Xesús, diciendo: Dios vos guarde; y allugándose illes, fincáes nel suelu, abrazaron-i los piés, y adoráronlu.
10Entós dizyos Xesús: Non vos amedrentéis: Dii, avisái á los miós hermanos, pa que vayan á Galilea, que ya me verán allí.
11Dun illes colaben, dellos de los guardies amiyaron á la ciodá, y cuntaron á los príncepes de lo’ sacerdotes tóes les coses q’ habín socedío.
12Y puestos de mancomun co’ lo’ xueces, teniendo so conceyu, dieron munchu dineru á lo’ soldáos,
13Diciéndoyos: Ruxíi per ahí, q’ estando vosotros dormiendo, vinieron pe’ la noche sos descípulos, y que lu furtaron.
14Que si oyer lo oye ’l rexidor, ya i lo farémos crer nosotros, y vos sacaremos avante.
15Dios, desq’ apandaron el dineru, fexeron lo mesmo que yos habín ensiñáo; y fasta ogaño dura ista voz ente lo’ xudíos, de magar comenzó á ruxíse.
16Mas los once descípulos esfilaron pa Galilea, á un monticu que Xesús yos habia siñaláo.
17Y desque lu vieron, adoráronlu: si bien dalgunos tuvieron sos dudes.
18Entós Xesús allugándose falóyos ’n istos términos: A min fo dáu tóu poderíu nel cielu, y na tierra:
19Colái pe’ lo mesmo, y ensiñói á tóes le’ xentes el camin de la salú, bautizándoles en el nome del Padre, y del Fiu, y del Espritu santu:
20Ensiñándoyos á fer tóes les coses que vos dixe. Y ’stái seguros que yo mesmu ’staré dayure al vuestru empar fasta ’l cabu de lo’ siglos.